Prezident Qasym-Jomart Toqaevtyŋ «Jaŋa tarihi kezeŋdegı Qazaqstannyŋ özektı mındetterı» atty Joldauyn halyqqa tüsındıru boiynşa respublikalyq ügıt-nasihat tobynyŋ müşelerı Qūryltai deputaty Nauryz Sailaubai men Qazaqstan Halyq keŋesınıŋ müşesı Rufina Usanova Taldyqorǧan qalasyndaǧy «Qainar AKB» jauapkerşılıgı şekteulı serıktestıgınıŋ ūjymymen kezdestı. Käsıporynnyŋ mäjılıs zalynda ötken ıs-şaraǧa 100 adam qatysty.
Kezdesu barysynda Qūryltai deputaty Nauryz Sailaubai öndırıs oryndarynyŋ jūmys oryndaryn qūrudaǧy, halyqty tūraqty tabyspen qamtamasyz etudegı jäne biudjet tüsımderın arttyrudaǧy rölıne toqtaldy. Ol «Qainar-AKB» önımderınıŋ şetel naryǧyna şyǧuy otandyq öndırıstıŋ äleuetın körsetetının atap öttı.
– «Qainar-AKB» – öŋırımızdıŋ maqtanyşy. Özımızdıŋ tuǧan jerımızde şyǧarylǧan önımnıŋ şetelde paidalanylyp jürgenı quantady. Öndırıs kölemınıŋ artuy jaŋa jūmys oryndarynyŋ aşyluyna, azamattardyŋ tabysy men salyq tüsımderınıŋ köbeiuıne yqpal etıp otyr. Sondyqtan osyndai käsıporyndar damuynyŋ el ekonomikasyndaǧy maŋyzy zor, – dedı deputat.
QR Halyq Keŋesınıŋ müşesı Rufina Usanova käsıporyn jūmysşylaryna qajyrly eŋbegı üşın alǧys aitty.
– Käsıporyndy aralau barysynda öndırıstegı jūmystyŋ qanşalyqty kürdelı ärı jauapty ekenın kördım. Mūnda eŋbek etetın 1200 adamnyŋ 45 paiyzy äielder eken. Osyndai auyr jūmysty atqaryp jürgen äiel azamattarǧa erekşe rizaşylyǧymdy bıldıremın. Barşaŋyzǧa eŋbekterıŋız üşın raqmet, – dedı Rufina Usanova.
Kezdesuge qatysuşylar oblystyŋ kölık-logistika äleuetın arttyru, Taldyqorǧandaǧy qalalyq infraqūrylymdy damytu mäselelerın talqylady. Sol siiaqty äleumettık infraqūrylymdy damytu mındetterıne toqtalyp, jol, su, gaz jäne elektrmen jabdyqtau mäselelerın şeşudıŋ maŋyzyn aitty. Sondai-aq basqosuda käsıporyn qyzmetkerlerınıŋ tūrǧyn üi mäselesı de köterıldı. Ūjym ökılı jūmysşylardyŋ tabysy keibır tūrǧyn üi baǧdarlamalarynyŋ talaptaryna säikes kelmeitının aityp, olarǧa baspana aludyŋ qandai mümkındıkterı baryn sūrady.
Nauryz Sailaubai käsıporynǧa «Otbasy bankpen» bırlesıp, qyzmetkerlerdıŋ tabysy men eŋbek ötılın eskeretın arnaiy ipotekalyq baǧdarlama äzırleu mümkındıgın qarastyrudy ūsyndy. Ol mysal retınde Hromtaudaǧy tau-ken käsıpornynyŋ bankpen bırlesıp, jūmysşylaryna baspana aluǧa qoldau körsetken täjıribesın keltırdı.
Kezdesu soŋynda Nauryz Sailaubai men Rufina Usanova qatysuşylardyŋ sūraqtaryna jauap berdı.
