Fransiia ūlttyq futbol qūramasynyŋ bas bapkerı Dide Deşam qyzmetınen kettı. Būl turaly Fransiia futbol federasiiasy resmi mälımdedı, dep habarlaidy "Adyrna".
Federasiia Deşamǧa 2012 jyldan berı ūlttyq qūramadaǧy eŋbegı üşın alǧys bıldırıp, onyŋ fransuz futbolynyŋ damuyna qosqan ülesın joǧary baǧalady.
«Dide Deşam tärtıptıŋ, talapşyldyqtyŋ, bırlıktıŋ jäne Fransiia qūramasynyŋ kök jeidesıne degen adaldyqtyŋ simvolyna ainaldy. Onyŋ jetekşılıgımen ūlttyq qūrama 2018 jyly älem chempiony atanyp, 2021 jyly Ūlttar ligasyn jeŋıp aldy. Sondai-aq bırneşe märte ırı halyqaralyq turnirlerdıŋ finalyna şyǧyp, älemdık futboldaǧy köşbasşy komandalardyŋ bırı retınde tūraqty nätijeler körsettı», – delıngen federasiia habarlamasynda.
Resmi mälımetke säikes, Deşam bas bapker retınde Fransiia qūramasyn 185 matchqa bastap şyǧyp, onyŋ 120-synda jeŋıske jetken. Ol tek joǧary nätijelerge qol jetkızıp qana qoimai, jeŋıske degen ūmtylys pen jauapkerşılık mädenietın qalyptastyryp, keiıngı buynǧa ülgı bolatyn mūra qaldyrdy.
Federasiianyŋ atap ötuınşe, Deşam halyqaralyq deŋgeidegı köptegen futbolşynyŋ qalyptasuyna yqpal etıp, är buyndy ortaq qūndylyqtar töŋıregıne toptastyra bıldı. Sonymen qatar ol janküierler men ūlttyq qūramanyŋ arasyndaǧy bailanysty nyǧaituǧa zor üles qosty.
Dide Deşam 1998 jylǧy älem chempionaty men 2000 jylǧy Europa chempionatynda Fransiia qūramasynyŋ kapitany retınde jeŋıske jetse, araǧa jiyrma jyl salyp, 2018 jyly däl sol qūramany älem chempiony atandyrǧan bapker retınde tarihqa endı.
«Oiynşy retınde de, bas bapker retınde de Fransiia qūramasyna osyndai adaldyqpen qyzmet etken jandar öte az. Onyŋ eŋbegı Klerfontendegı ūlttyq oqu-jattyǧu bazasynda ǧana emes, milliondaǧan janküierdıŋ jüregınde mäŋgı saqtalady. Fransiia futbol federasiiasy oǧan şynaiy alǧysyn bıldıredı. Raqmet, Dide!» – dep qorytyndylady federasiia.
