Prezident Aziia oiyndarynyŋ jeŋımpazdary men jüldegerlerın marapattady

181
Adyrna.kz Telegram
https://adyrna.kz/storage/uploads/Si9r0G1Ncoxav92Dov2MvWEiZO3EBhRnB5e7ErHm.jpg

Bügın, 9 qaraşada prezident Qasym-Jomart Toqaev Aziia oiyndary jäne Aziia paraoiyndarynyŋ jeŋımpazdary men jüldegerlerın marapattau räsımıne qatysty. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.

  Memleket basşysy jiynda söilegen sözınde Qazaqstan sportşylary Japoniiada ötken HH Jazǧy Aziia oiyndary men V Aziia Para oiyndarynda tamaşa nätije körsetıp, elımızdıŋ märtebesın asyrǧanyn aitty.

«Būl – memleketımız üşın şyn mänınde ülken jetıstık jäne zor maqtanyş! Barşaŋyzǧa jarqyn jeŋısterıŋız qūtty bolsyn deimın! Sızder qūrlyqtyŋ eŋ myqty sportşylary qatysqan dübırlı doda kezınde el namysyn qorǧap, jüzden jüirık şyqtyŋyzdar! Ūlttyq qūramanyŋ tabandy eŋbegınıŋ arqasynda Aziada törınde ruhty Änūranymyz şyrqaldy, kök Tuymyz biıkte jelbıredı. Men ärbır jeŋıstı naǧyz patriotizmnıŋ aiqyn körınısı dep sanaimyn. Tūtas halqymyz sızderge qoldau körsettı, janküier boldy. Är sportşynyŋ el qorjynyna qosqan medalı azamattarymyzǧa, äsırese, ösıp kele jatqan jas buynǧa ülken şabyt beredı, olardy myqty, küştı boluǧa ündeidı jäne alǧa jeteleidı. Bügın osy mereilı sätte men Memleket basşysy retınde barşaŋyzǧa taǧy da şynaiy rizaşylyǧymdy bıldıremın»,– dedı prezident.

 Qasym-Jomart Toqaev  soŋǧy jyldary elımızdıŋ ekonomikasy aitarlyqtai nyǧaiyp, jaŋa damu körsetkışterıne qol jetkıze bastaǧanyn tılge tiek ettı.

«Halyqaralyq valiuta qorynyŋ boljamy boiynşa memleketımızdıŋ jalpy ışkı önımınıŋ kölemı 398 milliard dollarǧa jaqyndaidy. Būl – bızdıŋ aimaǧymyzdaǧy eŋ joǧary körsetkış bolmaq. Bıraq qazırgıdei qūbylmaly uaqytta, ärine, qolda bar tabysqa mäz bolyp, jaibaraqat otyruǧa bolmaidy. Bärımız osyndai almaǧaiyp zamanda elımızdıŋ äleuetın arttyra tüsu üşın belsendı ärı qajyrly eŋbek etuımız kerek»,– dedı ol.

 

Pıkırler