Foto: QTF
Qazaqstandyq tennisşı Jıbek Qūlambaeva Kolumbiianyŋ Sopo qalasynda ūiymdastyrylǧan WTA 125 sanatyndaǧy jarystyŋ jūptyq synynda jeŋımpaz atandy, dep habarlaidy “Adyrna”.
Otandasymyz būl turnirde sloveniialyq Veronika Eriavespen bırge öner körsettı. Şeşuşı matchta qazaqstandyq-sloveniialyq duet chehiialyq Lora Samson men sloveniialyq Tamara Zidanşekke qarsy kortqa şyǧyp, tartysty kezdesude 5:7, 6:2, 14:12 esebımen basym tüstı.
Osylaişa, Qūlambaeva üşın būl mausymdaǧy segızınşı chempiondyq ataq boldy. Sondai-aq ol WTA 125 deŋgeiındegı jarystarda ekınşı ret top jaryp otyr. Būǧan deiın qyrküiek aiynda qazaqstandyq tennisşı avstraliialyq Gabriella Fikpen jūptasyp, Portugaliiada ötken däl osyndai sanattaǧy turnirdıŋ chempiony atanǧan edı.
Jalpy, 2026 jylǧy mausymda Jıbek Qūlambaeva jūptyq synda jetı titul jeŋıp aldy. Onyŋ altauy ITF turnirlerınde tırkelgen. Būdan bölek, Ündıstanda ötken ITF W15 jarysynda jekelei synda da jeŋıske jettı.
Kolumbiiadaǧy jeŋısı qazaqstandyq sportşynyŋ älemdık reitingtegı körsetkışıne de oŋ äser etpek. 16 qaraşa, düisenbı künı jaŋartylatyn WTA reitingınde Qūlambaeva jūptyq synda mansabyndaǧy eŋ joǧary nätijesıne qol jetkızıp, 86-orynǧa köterıledı.
