Qazaqstandyq «Qyzyl - Jar» futbol klubynyŋ būrynǧy prezidentı Grigorii Loriiaǧa memleketaralyq ızdeu jariialandy. Būl turaly 11 qaraşada QMA jazdy, dep habarlaidy «Adyrna» tılşısı.
Ol 414 mln teŋgeden astam biudjet qarajatyn jymqyrdy jäne salyq töleuden jaltardy degen küdıkke ılıngen.
Vedomstvonyŋ mälımetınşe, Grigorii Loriia futbol klubyn basqarǧan kezeŋde biudjet qarajatyn zaŋsyz iemdenu shemasyn ūiymdastyrǧan. Atap aitqanda, küdıktı bas buhgaltermen jäne özge de tūlǧalarmen aldyn ala söz bailasyp, jalǧan qarjylyq qūjattardy paidalanǧan. Sondai-aq qarajattyŋ jeke şottarǧa negızsız audaryluyn ūiymdastyryp, buhgalterlık jäne salyq eseptılıgıne jalǧan mälımetter engızudı qamtamasyz etken.
Tergeu deregıne säikes, salyq deklarasiialarynda qyzmetkerlerdıŋ tabysy, eŋbekaqy töleu qory men ūiymnyŋ jyldyq jiyntyq tabysy tömendetılıp körsetılgen.
Aita keteiık, 2023 jyly «Qyzyl-Jar SQ» futbol klubynyŋ qyzmetın qarjylandyruǧa jergılıktı biudjetten 1,7 mlrd teŋge bölıngen.
