Käsıpker, mesenat ärı ūlttyq sportty damytuǧa eleulı üles qosyp jürgen Dulat Tastekei 44 jasqa toldy.
Dulat Tastekei köp jyldan berı qazaqtyŋ dästürlı sport türlerın qoldap, olardyŋ damuyna jäne keŋınen nasihattaluyna atsalysyp keledı. Qazırgı taŋda ol Qazaqstan Audaryspaq federasiiasy vise-prezidentı jäne Qazaqstan Toǧyzqūmalaq federasiiasy Qamqorşylyq keŋesınıŋ müşesı qyzmetterın atqarady. Sonymen qatar, är jyldary Düniejüzılık Qazaq küresı federasiiasy vise-prezidentı retınde de eŋbek etken.
Onyŋ esımı tuǧan jerı Abai oblysynyŋ Aqsuat öŋırınde ötetın «Asyl besık – Aqsuat» sport jäne öner festivalımen de tyǧyz bailanysty. Dästürlı türde ūiymdastyrylatyn būl şara ūlttyq sport pen mädeniettı ūlyqtaityn maŋyzdy jobalardyŋ bırıne ainalyp, elımızdıŋ tükpır-tükpırınen sportşylar men önerpazdardyŋ basyn qosyp keledı.
Festival aiasynda alaman bäige, qazaq küresı, toǧyzqūmalaq jäne audaryspaq boiynşa respublikalyq deŋgeidegı jarystar ötkızılıp, jeŋımpazdarǧa qomaqty syiaqylar men avtokölıkter tabystalady.
2024 jyly atalǧan festival aiasynda 135 şaqyrymdyq alaman bäige ūiymdastyrylyp, ol älemdegı eŋ ūzaq qaşyqtyqtaǧy at jarystarynyŋ bırı retınde köpşılıktıŋ nazaryn audardy. Sondai-aq soŋǧy festivaldıŋ jalpy jülde qory 100 million teŋgeden asyp, ūlttyq sportty qoldauǧa baǧyttalǧan auqymdy bastamalardyŋ bırı boldy.
