Abaı oblystyq polıııa departamentiniń kóshi-qon qyzmetiniń basshysy Gúlvıra Dónenbaeva men Abaı aýdanynyń ınspektory para alǵany úshin sottaldy. Bul týraly QR Sybaılas jemqorlyqqa qarsy is-qımyl agenttigi jarııalady, dep habarlaıdy “Adyrna” ulttyq portaly.
«8 tamyzda Semeı qalasynyń №2 sotymen Abaı oblysynyń PD kóshi - qon qyzmeti basqarmasynyń bastyǵy G. Dónenbaevaǵa, osy basqarmanyń erekshe tapsyrmalar jónindegi aǵa ınspektory R. Sadyqovqa jáne Semeı q. PB kóshi-qon qyzmeti bóliminiń ınspektory A. Nurahmetovaǵa qatysty úkim jarııalandy», - delingen habarlamada.
Kóshi-qon qyzmetiniń basshysy Dónenbaeva ınspektor Sadyqov arqyly Nurahmetovany taǵaıyndaý úshin 1 myń dollar aýdarǵan.
Aqparatqa sáıkes, Dónenbaeva 4 jyl, Nurahmetova 3 jyl, Sadyqov 3 jyl 6 aıǵa bas bostandyǵynan aıyryldy.
«Sonymen birge sottalǵandar arnaýly ataqtarynan jáne memlekettik qyzmette jáne kvazımemlekettik sektorda laýazymdardy atqarý quqyǵynan aıyrylady», - dep tolyqtyrdy korrozııaǵa qarsy qyzmet.
Aıta keteıik, Dónenbaeva birneshe jyl buryn jeli qoldanýshylary synǵa alǵan erekshe shash úlgisimen kóringennen keıin kópshilikke tanymal bolǵan.
