Bügın qazaqtyŋ ataqty aqyny, jazuşy, dramaturg Säken Seifullin ömırge kelgen, dep habarlaidy "Adyrna" ūlttyq portaly.
Syrly da syrbaz aqyn 43 jyl ǧūmyrynda artyna öşpes asyl mūra qaldyryp kettı.
Ol 1884 jyly 15 qazanda Jezqazǧan öŋırınde tuǧan. Şyn esımı - Säduaqas.
Aqiyq aqyn öleŋ jazudy mektep kezınen bastaǧan. Qazaqtyŋ bırtuar ūlynyŋ qalamynan «Ötken künder», «Baqyt jolynda», «Asau tūlpar», «Dombyra», «Aqsaq kiık», «Ananyŋ haty», «Burabai», «Bız», «Bızdıŋ jaqta», «Qyrda» syndy üzdık tuyndylar tudy.
Säken Seifullin ädebiet älemınde özındık kerbezdıgımen, qaitalanbas şyǧarmalarymen tanymal. Jazuşy jaily el esınde qalǧan estelıkter köp. S.Seifullinnıŋ tuǧan bauyry Mäjit Seifullin de bır sözınde:
«Säkennıŋ joly – küres ol. Onyŋ sapaly ömırı ystyq-suyǧy, dauyly men tolasy aralas, raqaty men mehnaty almasqan, alasapyran tartysqa toly ömır edı. Äsırese 1917-18 jyldardaǧy onyŋ Aqmoladaǧy küres künderı, 1919 jyly Kolchaktyŋ azap vagonynan qaşyp şyǧyp, Türkıstandaǧy sovet ökımetımen jalǧasuy ärbır künı hikaia bolarlyq ūzaq äŋgıme...",- degen.
Alaşordalyqtarǧa qaraǧanda, Säken Seifullin Qazan töŋkerısın qūptaǧan bolatyn.
Säkennıŋ Stalinge «Alaşorda älı de qauıptı» atty haty töl tarihtyŋ qyzyqty deregı.
Ömırdıŋ «tar jol, taiǧaq keşulerın» bastan keşırgen Säken Seifullin Alaş azamattarynyŋ sotyna qatynasqan joq. Sondai-aq ūstalǧan Alaş arystarynyŋ bırde-bıreuıne bettestırıluge şaqyrylmaǧan.
Alaşordalyqtardan “sekem” alǧan Säken turaly tarih betterınde “bolşevik” degen tüsınık qalǧan.
Al jazuşynyŋ “Tar jol, taiǧaq keşu” tuyndysy “daiyn tarih” dep baǧalanǧan.
Avtor eŋbegınde öz sözıne qaraǧanda gazetke şyqqan maqalalardy tūtasymen keltırıp, replika berıp qoiatyndai.
Säken Seifullin Qazaqstannyŋ jazuşylar odaǧynyŋ negızın qalaǧandardyŋ bırı. Ol qazaq dalasynyŋ jazuşylary arasynda bırınşı bolyp «Trudovoe Krasnoe Znamia» ordenın alǧan.
Ūqsas jaŋalyqtar
