كاسىپكەر، مەتسەنات ءارى ۇلتتىق سپورتتى دامىتۋعا ەلەۋلى ۇلەس قوسىپ جۇرگەن دۋلات تاستەكەي 44 جاسقا تولدى.
دۋلات تاستەكەي كوپ جىلدان بەرى قازاقتىڭ ءداستۇرلى سپورت تۇرلەرىن قولداپ، ولاردىڭ دامۋىنا جانە كەڭىنەن ناسيحاتتالۋىنا اتسالىسىپ كەلەدى. قازىرگى تاڭدا ول قازاقستان اۋدارىسپاق فەدەراتسياسى ۆيتسە-پرەزيدەنتى جانە قازاقستان توعىزقۇمالاق فەدەراتسياسى قامقورشىلىق كەڭەسىنىڭ مۇشەسى قىزمەتتەرىن اتقارادى. سونىمەن قاتار، ءار جىلدارى دۇنيەجۇزىلىك قازاق كۇرەسى فەدەراتسياسى ۆيتسە-پرەزيدەنتى رەتىندە دە ەڭبەك ەتكەن.
ونىڭ ەسىمى تۋعان جەرى اباي وبلىسىنىڭ اقسۋات وڭىرىندە وتەتىن «اسىل بەسىك – اقسۋات» سپورت جانە ونەر فەستيۆالىمەن دە تىعىز بايلانىستى. ءداستۇرلى تۇردە ۇيىمداستىرىلاتىن بۇل شارا ۇلتتىق سپورت پەن مادەنيەتتى ۇلىقتايتىن ماڭىزدى جوبالاردىڭ بىرىنە اينالىپ، ەلىمىزدىڭ تۇكپىر-تۇكپىرىنەن سپورتشىلار مەن ونەرپازداردىڭ باسىن قوسىپ كەلەدى.
فەستيۆال اياسىندا الامان بايگە، قازاق كۇرەسى، توعىزقۇمالاق جانە اۋدارىسپاق بويىنشا رەسپۋبليكالىق دەڭگەيدەگى جارىستار وتكىزىلىپ، جەڭىمپازدارعا قوماقتى سىياقىلار مەن اۆتوكولىكتەر تابىستالادى.
2024 جىلى اتالعان فەستيۆال اياسىندا 135 شاقىرىمدىق الامان بايگە ۇيىمداستىرىلىپ، ول الەمدەگى ەڭ ۇزاق قاشىقتىقتاعى ات جارىستارىنىڭ ءبىرى رەتىندە كوپشىلىكتىڭ نازارىن اۋداردى. سونداي-اق سوڭعى فەستيۆالدىڭ جالپى جۇلدە قورى 100 ميلليون تەڭگەدەن اسىپ، ۇلتتىق سپورتتى قولداۋعا باعىتتالعان اۋقىمدى باستامالاردىڭ ءبىرى بولدى.
