Bügın aimaq başysy Berık Uälidıŋ töraǧalyǧymen Memleket basşysy Qasym-Jomart Toqaevtyŋ Qazaqstan halqyna arnaǧan «Jaŋa tarihi kezeŋdegı Qazaqstannyŋ özektı mındetterı» atty Joldauyn talqylauǧa arnalǧan oblys aktivınıŋ otyrysy öttı.
Jiynǧa oblystyq basqarmalardyŋ basşylary, qoǧamdyq keŋes müşelerı, saiasi partiia filialdary ökılderı, qūqyq qorǧau organdary men departamentterdıŋ basşylary qatysty. Qala-audan äkımderı beine rejim arqyly qosyldy.
Oblys äkımı Prezident Joldauynda aiqyndalǧan negızgı basymdyqtarǧa toqtalyp, öŋırdıŋ äleumettık-ekonomikalyq damuy üşın maŋyzyn atap öttı.
«Prezidenttıŋ Joldauy – elımızdıŋ aldaǧy damu baǧdaryn aiqyndaityn, memlekettık saiasattyŋ negızgı basymdyqtaryn naqtylaityn maŋyzdy strategiialyq qūjat. Memleket basşysy Qasym-Jomart Kemelūly Toqaev Joldauynda: «Qazaqstan auqymdy qūrylys alaŋyna ainaluǧa tiıs», – dep atap öttı. Prezident aiqyndaǧan būl basymdyqtar jaŋadan qūrylǧan Abai oblysy üşın airyqşa maŋyzdy. Öŋırdıŋ ornyqty damuyn qamtamasyz etu, tūrǧyndardyŋ tūrmys sapasyn jaqsartu jäne eldı mekenderdıŋ infraqūrylymyn jaŋǧyrtu – aldymyzda tūrǧan negızgı mındetter. Joldauda belgılengen mındetterdı oryndau – öŋırdıŋ bolaşaǧyna, tūrǧyndarymyzdyŋ äl-auqatyna jäne memleketımızdıŋ damuyna qosylǧan naqty üles», – dedı Berık Uäli.
Aimaq basşysy Prezident kötergen «Halyqtyq qūrylys» bastamasynyŋ öŋır üşın erekşe maŋyzǧa ie ekenın aitty. Qazırgı uaqytta oblysta «Aiagöz – Baqty» temırjol jelısı, Semei qalasyndaǧy jaŋa tört jolaqty köpır, Aqtoǧai mys balqytu zauyty men et öŋdeu keşenı siiaqty ırı jobalar jüzege asyrylyp jatyr. Sonymen qatar biudjet qarajaty esebınen jalpy qūny 35 mlrd teŋgenı qūraityn 28 äleumettık nysanda qūrylys jäne jöndeu jūmystary jürgızılude.
Memleket basşysynyŋ qoldauymen qolǧa alynǧan «Abaiǧa qūrmet» aksiiasy aiasynda Semei qalasynda şyǧarmaşylyq ortalyǧy, media ortalyq, dene şynyqtyru-sauyqtyru keşenı, inkliuzivtı sport keşenı, üstel tennisı ortalyǧy, Jekpe-jek saraiy jäne Dostyq üiı salynyp jatyr. Oblys ortalyǧynda alǧaş ret BINOM mektebınıŋ qūrylysy bastaldy. Aldaǧy jyldary öŋırde jaŋa teatr, oblystyq auruhana jäne balalar auruhanasyn salu josparlanǧan.
Jiynda kölık-logistika infraqūrylymyn damytu mäselesıne erekşe nazar audaryldy. Toǧyz joldyŋ torabynda ornalasqan öŋırımız üşın jol mäselesınıŋ maŋyzy erekşe. Būl baǧytta bırqatar jūmys atqaryldy. Byltyr halyqty köpten berı tolǧandyrǧan «Omby – Maiqapşaǧai» baǧytyndaǧy avtomobil joly jöndelıp, paidalanuǧa berıldı. Semei qalasynda 100 köşenı asfalttau jūmystary qolǧa alyndy. Būl būryn asfalt töselmegen köşelerdıŋ jol sapasyn jaqsartuǧa mümkındık beretın maŋyzdy qadam. Sonymen qatar ötken jyly ekı köpırdıŋ asfalt jabyny jaŋartyldy. Aldaǧy uaqytta Semei qalasyndaǧy Şugaev pen Sätbaev köşelerınıŋ qiylysynda jol airyǧy salynyp, Ertıs özenı arqyly ötetın aspaly köpır kürdelı jöndeuden ötedı.
Oblys äkımı «Aiagöz – Baqty» temırjolynyŋ strategiialyq maŋyzyn atap ötıp, onyŋ qūrylysyn tūraqty baqylauda ūstau qajettıgın atap öttı. Sondai-aq, oblystyq jäne audandyq maŋyzy bar avtomobil joldarynyŋ sapasyn jaqsartu, eldı mekender arasyndaǧy kölık qatynasyn qamtamasyz etu mındetterıne toqtaldy.
Auyl şaruaşylyǧy salasynda 2026-2028 jyldarǧa arnalǧan jol kartasy aiasynda jalpy qūny 112,5 mlrd teŋgenı qūraityn 19 investisiialyq jobany jüzege asyru közdelgen. Aimaq basşysy auyl şaruaşylyǧy önımderın tereŋ öŋdeudı damytu, jergılıktı şikızatty tiımdı paidalanu, suarmaly jerlerdıŋ kölemın ūlǧaitu jäne su ünemdeu tehnologiialaryn engızu qajettıgıne toqtaldy.
Öŋırde investisiia tartu jūmysy jalǧasuda. Biyl toǧyz aida oblys ekonomikasyna 417,7 mlrd teŋge investisiia tartyldy. Onyŋ 365,2 mlrd teŋgesı jeke investisiialardyŋ ülesıne tiesılı. Jaqynda ötken öŋırlık üilestıru keŋesınde jalpy qūny 19,2 mlrd teŋgenı qūraityn, 443 jaŋa jūmys ornyn aşudy közdeitın 12 investisiialyq joba maqūldandy.
Densaulyq saqtau salasynda «Auyldyq densaulyq saqtaudy jaŋǧyrtu» ūlttyq jobasy aiasynda öŋırde 65 alǧaşqy medisinalyq-sanitariialyq kömek nysany salyndy. Audandyq auruhanalardyŋ materialdyq-tehnikalyq bazasy nyǧaitylyp, jaŋa medisinalyq bölımşeler aşyldy. Oblystyŋ densaulyq saqtau ūiymdaryna, audandyq auruhanalarǧa 100 jaŋa jedel järdem kölıkterı tabystalyp jatyr.
Jiyn qorytyndysynda oblys äkımı orynbasarlaryna, basqarma basşylaryna, qala jäne audan äkımderıne Prezident Joldauyndaǧy basymdyqtardy öz salalary boiynşa pysyqtap, josparlanǧan jobalardyŋ sapaly ärı uaqtyly oryndaluyn qamtamasyz etudı tapsyrdy. Ekonomika jäne biudjettık josparlau basqarmasyna äleumettık nysandar men injenerlık infraqūrylymǧa degen qajettılıktı taldap, basym jobalardyŋ tızımın äzırleudı, Jolauşylar kölıgı jäne avtomobil joldary basqarmasyna jöndeudı qajet etetın jol uchaskelerın anyqtap, jūmys sapasyna baqylaudy küşeitudı jüktedı.
Sonymen qatar otyrysta Abai oblysy ardagerler keŋesınıŋ töraǧasy Mūratqazy Alin, oblystyq qoǧamdyq keŋestıŋ töraǧasy Meiramhat Ainabekov, qoǧamdyq keŋes müşesı Nikolai İsaev jäne Qazaqstan Halyq Keŋesınıŋ müşesı Duman Orynbekov söz söiledı.
