Bügın, 11 mamyrda prezident Qasym-Jomart Toqaev premer-ministrdıŋ bırınşı orynbasary Nūrlybek Nälıbaevty qabyldady. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaevqa önerkäsıptı damytu jäne ırı infraqūrylymdyq jobalardy jüzege asyru mäselelerı jönınde baiandaldy. Sondai-aq öŋdeu önerkäsıbınde jürgızılıp jatqan negızgı jūmystar turaly aqparat berıldı.
Premer-ministrdıŋ bırınşı orynbasary qosylǧan qūny joǧary önım şyǧarudy arttyru jäne energetikalyq infraqūrylymdy jaŋǧyrtu josparyna toqtaldy.
Odan bölek, memleket basşysyna kölık-logistika infraqūrylymy men qūrylys salasyn damytu jaiynda aityldy.
Kezdesu soŋynda Qasym-Jomart Toqaev infraqūrylymdyq jobalardyŋ sapaly jüzege asyryluyn qamtamasyz etudı, otandyq tauar öndıruşılerdı qoldaudy jäne aldaǧy jylu beru mausymyna daiyndyq şaralaryn baqylaudy küşeitu jönınde tapsyrma berdı.
Eske salaiyq, 6 mamyrda Nūrlybek Nälıbaev Qazaqstan premer-ministrınıŋ bırınşı orynbasary bolyp taǧaiyndalǧan edı.
