Qazaqstannyŋ Premer-ministrı Oljas Bektenov barlyq avtojol jobalarynyŋ jüzege asyryluyn tekseruge 1 qazanǧa deiın uaqyt berdı. Būl turaly Ükımettıŋ baspasöz qyzmetı jariialady, dep habarlaidy “Adyrna”.
«Joǧaryda atalǧan zaŋbūzuşylyqtardy eskere otyryp, Kölık ministrlıgı men Ūlttyq sapa ortalyǧyna barlyq avtojol jobalarynyŋ jüzege asyryluyn 1 qazanǧa deiın tekserudı tapsyramyn. Nätijesınde kınälılerdı jauapkerşılıkke tartu boiynşa ūsynystar äzırlenuı tiıs. Kölık jäne Qarjy ministrlıkterıne Ūlttyq sapa ortalyǧynyŋ jūmysyn küşeitu jönınde şeşımder daiyndaudy tapsyramyn», — dedı Oljas Bektenov Prezidenttıŋ avtojoldardyŋ sapasyn arttyru jönındegı tapsyrmalaryn oryndau barysyna arnalǧan keŋeste.
Keŋeste jol salasynyŋ qazırgı jaǧdaiy men damu jospary qaraldy. Prezidenttıŋ kölık infraqūrylymyn jaŋǧyrtuǧa qatysty tapsyrmalary negızge alyndy.
Kölık vise-ministrı Maqsat Qaliaqparov pen «QazJolǦZİ» AQ prezidentı Arman Älıbaeva baiandama jasady. Kölık ministrlıgınıŋ derekterı boiynşa, elımızdegı jol jelısınıŋ jalpy ūzyndyǧy – 185 myŋ km, onyŋ ışınde 25 myŋ km – respublikalyq maŋyzy bar joldar, 70 myŋ km – jergılıktı joldar jäne 90 myŋ km – eldı meken köşelerı. 2025 jyly 13 myŋ km jol jöndeledı dep josparlanǧan: onyŋ 2 myŋ km-den astamy – respublikalyq joldardy qaita jaŋartu, 6,6 myŋ km – oblys ortalyqtary arasyndaǧy joldardy jöndeu, 4,1 myŋ km – jergılıktı jelı.
2025 jyldyŋ qorytyndysy boiynşa respublikalyq maŋyzy bar joldardyŋ normativtık jaǧdaiyn 94%-ǧa, jergılıktı joldardy 91%-ǧa jetkızu közdelıp otyr.
Zaŋnamalyq deŋgeide bırqatar özgerıster engızıldı:
- Ūlttyq sapa ortalyǧynyŋ eskertulerın joimai, jol nysandaryn paidalanuǧa qabyldauǧa tyiym salyndy;
- 2023 jyldan bastap ortaşa jöndeu jobalary mındettı türde vedomstvolyq saraptamadan ötuı tiıs.
2025 jyldyŋ alǧaşqy jetı aiynyŋ qorytyndysy boiynşa:
- Sapasyz qūrylys materialdarynyŋ jäne jol aqaularynyŋ ülesı 2%-ǧa azaidy;
- Gravii töselgen jergılıktı joldardy asfaltbeton jabynyna auystyru 14%-ǧa artty;
- Jobalyq şeşımderdı oŋtailandyru arqyly 1 mlrd teŋgeden astam qarajat ünemdeldı;
- Jergılıktı joldardyŋ 50%-y diagnostikamen qamtyldy;
- 384 asfalt-beton zauyty keşendı tekseruden öttı;
- «Kıltpen tapsyru» formatyndaǧy kelısımşarttar men jobalyq qūjattardy aldyn ala saraptau engızıldı.
«QazJolǦZİ» prezidentı Arman Älıbaeva jol salasyna sifrlyq tehnologiialardy engızu boiynşa baiandama jasady. Soŋǧy bes jylda institut jol qūrylysyn jetıldıruge baǧyttalǧan 20-dan astam ǧylymi zertteu jürgızgen. Qazırgı taŋda bırneşe sifrlyq joba jüzege asyryluda.
Atqarylyp jatqan negızgı jobalar men bastamalar:
- Superpave tehnologiiasy – jol jamylǧysyn klimat pen kölık aǧynyna beiımdei otyryp ūzaq merzımdı etuge mümkındık beredı;
- Jolshy platformasy – 2 myŋnan astam mamandy bırıktırgen, kadrlyq özgerıster men bılıktılık deŋgeiın baqylauǧa arnalǧan baza;
- Jol-kölık oqiǧalaryn taldau portaly – joldaǧy qauıpsızdıktı arttyruǧa baǧyttalǧan jaŋa bastama.
Oljas Bektenov 2030 jylǧa deiın 4 myŋ km joldy qaita jaŋartu qajet ekenın atap öttı. Biyl aiaqtalatyn maŋyzdy jobalarmen qatar, jobalyq qūjattamasy daiyn jaŋa baǧyttardy (Aqtöbe–Ūlǧaisyn, Qaraǧandy–Jezqazǧan, Atyrau–Dossor, Saryaǧaş, Petropavl, Rudnyi, Qyzylorda ainalma joldary) ıske qosu tapsyryldy. Sondai-aq, 2,5 myŋ km jol ortaşa jöndeumen qamtyluy tiıs.
Kölık jäne Qarjy ministrlıkterıne, «QazAvtoJol» kompaniiasyna qarjylandyru men merdıgerlerdı anyqtau, al Kölık jäne Qūrylys ministrlıkterıne — jobalyq saraptamany qūrylys-montaj jūmystary kezınde parallel jürgızu tetıgın äzırleu tapsyryldy.
Anyqtalǧan özektı mäseleler:
- Jetısu, Almaty oblystarynda sapa ortalyǧynyŋ eskertulerıne qaramastan, nysandar qabyldanuda;
- Pavlodar trassasynda beton jamylǧysynyŋ köterıluı tırkelgen;
- Soltüstık Qazaqstan oblysynda alynǧan synamalardyŋ 43%-y standartqa sai kelmeidı;
- Atyrau men Türkıstan oblystarynda tūrǧyndar jol sapasyna jiı şaǧymdanady;
- Qarajat igeru qarqyny tömen: Abai oblysy — 42%, Aqtöbe — 52%, Aqmola — 56%.
Premer-ministr sapasyz jūmys üşın merdıgerlerdıŋ jauapkerşılıgın arttyrudy, sondai-aq, bölıngen biudjet qarajatyn tiımdı igerudı tapsyrdy.
