Qyzylorda oblysynyŋ äkımı Nūrlybek Nälıbaev özınıŋ Facebook paraqşasyna BAQ ökılderınıŋ saualdaryna aşyq jauap beruge daiyn ekenın jazdy, dep habarlaidy “Adyrna” ūlttyq portaly.
“Bügın Parlament Mäjılısındegı tyŋdauǧa qatystym.
Jiyn aiaqtalardan 15-20 minut būryn sūranyp, kelesı ıskerlık kezdesuıme asyǧys şyǧyp kettım. Maǧan betpe-bet eşqandai jurnalist tıkelei qaratyp sūraq qoiǧan joq. Alaida, baspaldaqta menen özge de adamdar bolǧandyqtan,artymnan atymdy nemese qyzmetımdı atap qoiylǧan saualdy estımegennen keiın, keşıgıp bara jatqan kezdesuıme jyldam jüre berdım.
Soŋǧy uaqytta bırqatar äleumettık jelılerde menıŋ eskı 2016 jylǧy suretımde körsetılgen saǧatqa qatysty jurnalister tarapynan qyzyǧuşylyq tuyndaǧan sekıldı.
Negızınen, būl saǧatty erterekte alǧanmyn. Menıŋ memlekettık qyzmetke deiın 10 jylǧa juyq biznes salasynda jürgenımdı ömırbaianymnan köre alasyzdar. Sondyqtan būl mäselede jasyryn eşteŋe joq dep oilaimyn jäne ärdaiym BAQ ökılderınıŋ saualdaryna aşyq jauap beruge daiynmyn”,- dedı ol.
”Adyrna” ūlttyq portaly
