بۇگىن، 11 مامىردا پرەزيدەنت قاسىم-جومارت توقاەۆ پرەمەر-ءمينيستردىڭ ءبىرىنشى ورىنباسارى نۇرلىبەك نالىباەۆتى قابىلدادى. بۇل تۋرالى اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
قاسىم-جومارت توقاەۆقا ونەركاسىپتى دامىتۋ جانە ءىرى ينفراقۇرىلىمدىق جوبالاردى جۇزەگە اسىرۋ ماسەلەلەرى جونىندە باياندالدى. سونداي-اق وڭدەۋ ونەركاسىبىندە جۇرگىزىلىپ جاتقان نەگىزگى جۇمىستار تۋرالى اقپارات بەرىلدى.
پرەمەر-ءمينيستردىڭ ءبىرىنشى ورىنباسارى قوسىلعان قۇنى جوعارى ءونىم شىعارۋدى ارتتىرۋ جانە ەنەرگەتيكالىق ينفراقۇرىلىمدى جاڭعىرتۋ جوسپارىنا توقتالدى.
ودان بولەك، مەملەكەت باسشىسىنا كولىك-لوگيستيكا ينفراقۇرىلىمى مەن قۇرىلىس سالاسىن دامىتۋ جايىندا ايتىلدى.
كەزدەسۋ سوڭىندا قاسىم-جومارت توقاەۆ ينفراقۇرىلىمدىق جوبالاردىڭ ساپالى جۇزەگە اسىرىلۋىن قامتاماسىز ەتۋدى، وتاندىق تاۋار وندىرۋشىلەردى قولداۋدى جانە الداعى جىلۋ بەرۋ ماۋسىمىنا دايىندىق شارالارىن باقىلاۋدى كۇشەيتۋ جونىندە تاپسىرما بەردى.
ەسكە سالايىق، 6 مامىردا نۇرلىبەك نالىباەۆ قازاقستان پرەمەر-ءمينيسترىنىڭ ءبىرىنشى ورىنباسارى بولىپ تاعايىندالعان ەدى.
