Memleket basşysy Qasym-Jomart Toqaev AQŞ prezidentınıŋ Oŋtüstık jäne Ortalyq Aziia boiynşa arnaiy ökılı Serdjio Gordy qabyldady. Būl turaly bügın, 10 mausymda Aqordanyŋ baspasöz qyzmetı jazdy, dep habarlaidy «Adyrna» tılşısı.
Prezident Qasym-Jomart Toqaev qazaq-amerika yntymaqtastyǧynyŋ joǧary deŋgeiın atap ötıp, Amerika Qūrama Ştattarymen keŋeitılgen strategiialyq serıktestıktı odan ärı nyǧaituǧa beiıl ekenın rastady.
«Bız özektı mäselelerdı keŋınen talqylauǧa mümkındık tuǧanyn oŋ baǧalaimyz. Äsırese, asa maŋyzdy mineraldar boiynşa C5+1 dialogyna qatysuyŋyzdy qūptaimyz. Būl Qūrama Ştattardyŋ Qazaqstanmen jäne bükıl Ortalyq Aziiamen yntymaqtastyqqa strategiialyq tūrǧydan män beretının körsetedı. Sondai-aq sızdıŋ ekıjaqty bailanystardy damytuǧa qosqan ülesıŋızdı atap ötkım keledı. Qazaqstan Amerika Qūrama Ştattarymen keŋeitılgen strategiialyq serıktestıktı odan ärı arttyruǧa müddelı. Oraily sättı paidalana otyryp, Sız arqyly AQŞ prezidentı Donald Trampqa ystyq yqylasym men ızgı tılegımdı joldaimyn. Jyl soŋyna qarai bız kezdesemız dep oilaimyn. Sonymen bırge Maiamide ötetın G20 sammitıne qatysuǧa şaqyrǧany üşın rizaşylyǧymdy bıldıremın»,– dedı memleket basşysy.
Serdjio Gor Qasym-Jomart Toqaevqa kezdesu üşın alǧys aityp, prezident Donald Tramptyŋ sälemın jetkızdı.
«Sızdıŋ Aq üide dosyŋyz bar dep senımmen aita alamyn. Prezident Tramp qyzmetıŋızdı airyqşa baǧalaidy. Bız elderımızdıŋ müddesı üşın özara tiımdı şeşımder ızdeuge ūmtylamyz. Mūny AQŞ pen aimaq elderı arasyndaǧy qarym-qatynastyŋ qarqyny däleldeidı. Keiıngı jyldyŋ özınde 20 milliard dollardan asa somaǧa kelısım jasaldy. Būl älı bastauy ǧana ekenıne senımdımın. Sızdıŋ jyl soŋynda ötetın G20 sammitıne qatysatynyŋyzǧa öte quanyştymyz»,– dedı Arnaiy ökıl.
Qasym-Jomart Toqaev pen Serdjio Gor bırlesken sauda-ekonomikalyq jäne investisiialyq jobalardy jüzege asyru, sondai-aq asa maŋyzdy mineraldar, kölık-logistika, sifrlandyru men basqa da basym salalardaǧy yqpaldastyq perspektivasyn talqylady.
Qazaqstan teŋ qūryltaişylarynyŋ bırı bolǧan Beibıtşılık keŋesınıŋ qyzmetıne erekşe nazar audaryldy. Memleket basşysynyŋ mälımdeuınşe, elımız halyqaralyq tūraqtylyq pen gumanitarlyq bastamalardy ılgerıletu ısıne üles qosuǧa daiyn.
Sondai-aq öŋırlık jäne jahandyq kün tärtıbındegı özektı mäseleler jönınde pıkır almasu öttı.
Kezdesu soŋynda Prezident pen Arnaiy ökıl san qyrly qazaq-amerika yntymaqtastyǧyn tereŋdetuge özara müddelı ekenın quattady.
