Foto: Jİ kömegımen
Astana halyqaralyq äuejaiyna Avstraliiadan Dorper tūqymdy 1 100 qoidyŋ alǧaşqy legı jetkızıldı. Erekşe jüktı Qatar Airways Cargo äue kompaniiasynyŋ Boeing 777F jük ūşaǧy tasymaldaǧan, dep habarlaidy “Adyrna”.
Atalǧan äue kemesı alys qaşyqtyqqa ırı kölemdegı jükterdı tasymaldauǧa beiımdelgen. Onyŋ ışınde tırı januarlardy da veterinariialyq jäne qauıpsızdık talaptaryn saqtai otyryp jetkızuge mümkındık bar.
Avstraliiadan äkelıngen qoilardy «Bereke» jeŋıldetılgen nesieleu baǧdarlamasy aiasynda «Ereimentau Astyq-2014» JŞS satyp alǧan. Būl – käsıporynnyŋ jalpy sany 4 myŋ bas ūsaq mal äkeludı közdeitın auqymdy jobasynyŋ alǧaşqy kezeŋı. Bügıngı jetkızılım josparlanǧan mal basynyŋ törtten bırınen astamyn qūraidy.
Aita keteiık, tırı maldy äue arqyly tasymaldau kürdelı logistikalyq daiyndyqty qajet etedı. Mūndai operasiia kezınde januarlardyŋ qauıpsızdıgı, veterinariialyq-sanitariialyq normalardyŋ saqtaluy jäne barlyq qyzmetterdıŋ üilesımdı jūmysy basty nazarda bolady.
Avstraliiadan Astanaǧa jasalǧan būl reis halyqaralyq äue tasymalynyŋ mümkındıkterın auyl şaruaşylyǧy salasyndaǧy jobalardy jüzege asyruǧa paidalanudyŋ bır mysaly boldy.
