Şara aiasynda oblys mektepterınıŋ oquşylary qorşaǧan ortany qorǧau boiynşa öz jobalary men ideialaryn ūsyndy.
Auqymdy ıs-şara «Keleşek mektepterı» ūlttyq jobasy aiasynda salynǧan №80 orta mektep bazasynda ötıp, jas ūrpaq arasynda ekologiialyq qūndylyqtardy nasihattaudyŋ jarqyn alaŋyna ainaldy.
Ekofestivalge qatysqan öŋır basşysy Ashat Şaharov ekologiialyq mädeniettı erte jastan qalyptastyru maŋyzdy ekenın aityp, mūndai bastamalar tabiǧatqa jauapkerşılıkpen qaraudy tärbieleuge yqpal etetının jetkızdı.
Äkım sondai-aq ekı jyl būryn Memleket basşysynyŋ bastamasymen «Taza Qazaqstan» jalpyūlttyq jobasy ıske qosylǧanyn eske saldy. Bügınde būl bastama el aimaqtarynda keŋ qoldau tauyp, Aqtöbe oblysynda belsendı jüzege asyrylyp keledı.
«Taza Qazaqstan» aksiiasy özektı ekologiialyq mäseleler - aumaqtardy tazalau, kögaldandyru jäne ekologiialyq mädeniettı qalyptastyruǧa baǧyttalǧan. Tazalyq ärqaisymyzdan bastalady jäne kündelıktı ömırdıŋ ajyramas bölıgı boluy tiıs.
Festivalde ūsynylǧan jobalar qatysuşylardyŋ joǧary daiyndyq deŋgeiın jäne şynaiy qyzyǧuşylyǧyn körsettı. «Jasyl balabaqşa», «Jasyl mektep», «Jasyl kolledj» siiaqty bastamalar ekologiialyq tärbienıŋ bılım beru jüiesınıŋ maŋyzdy bölıgıne ainaluda, oǧan sızder - dälelsızder. Äsırese jastardyŋ belsendılıgı quantady. Sızderdıŋ bastamalaryŋyz ben jobalaryŋyz el bolaşaǧyn oilaityn jauapty, beijai qaramaityn ūrpaqtyŋ ösıp jatqanyn körsetedı», – dedı äkım.
Ekofestival baǧdarlamasy aiasynda qonaqtar bırqatar maŋyzdy jobamen tanysty. Balabaqşalar, mektepter jäne kolledjder ūsynǧan bastamalar bılım berudıŋ barlyq deŋgeiınde ekologiialyq tärbienıŋ sabaqtastyǧyn tanytty. Äsırese ekojobalar körmesı men «EKO-ART» jas suretşıler ekspozisiiasy ülken qyzyǧuşylyq tudyryp, onda şyǧarmaşylyq arqyly özektı ekologiialyq mäseleler köterıldı.
Is-şaranyŋ jarqyn sätterınıŋ bırı «Kün nūrynan tuǧan jasyl älem» taqyrybyndaǧy fleşmob boldy. Ol qatysuşylardy tabiǧatty saqtau jäne tūraqty bolaşaq ideiasy töŋıregınde bırıktırdı. Fleşmob barysynda alǧaş ret «Taza Qazaqstan» aksiiasyna arnalǧan gimn oryndaldy.
Sondai-aq, aimaq basşy oquşy, bılım salasynyŋ ardagerlerı jäne mäslihattardyŋ deputattarymen bırge №80 mektep aulasyna köşetter otyrǧyzdy.
Aita keteiık, öŋırde oblys äkımınıŋ bastamasymen «Mektep ormanşylyǧy» jobasy belsendı jüzege asyryluda. Onyŋ aiasynda oquşylar köşet otyrǧyzyp, olardy kütıp-baptaidy, osylaişa ekologiialyq tärbienı täjıribe jüzınde meŋgerıp, tabiǧatqa degen qamqorlyqty erte jastan qalyptastyrady. Sondai-aq ekologiialyq tärbie oblys balabaqşalarynan bastau alady, onda balalarǧa qorşaǧan ortaǧa jauapkerşılıkpen qarau erte jastan üiretıledı.
