«Astana» saiabaǧynda qazaq halqynyŋ tarihynda, mädenietınde jäne ūlttyq taǧamdarynda erekşe oryn alatyn tary daqylyn ösıru dästürın saqtau men därıpteuge arnalǧan «Aqtöbe – tarynyŋ astanasy» gastrofestivalı öttı.
Is-şaraǧa oblys äkımı Ashat Şaharov qatysyp, festivaldıŋ körme alaŋdaryn aralap kördı, qatysuşylarmen jäne qonaqtarmen jüzdestı. Sondai-aq ūlttyq dästürlerdı saqtau men öŋırde gastronomiialyq turizmdı damytudyŋ maŋyzdylyǧyna toqtaldy.
Auqymdy şaraǧa qala tūrǧyndary men qonaqtary köptep jinalyp, öŋırdıŋ bai mädeni jäne gastronomiialyq mūrasyn tanytatyn jarqyn alaŋǧa ainaldy.
Festival qonaqtarynyŋ tarydan daiyndalǧan eluge juyq taǧam türı ūsynylǧan körme-järmeŋke erekşe qyzyǧuşylyǧyn tudyrdy. Qatysuşylar ūlttyq taǧamdardyŋ aluan türımen tanysyp, şokoladty jent äzırleu boiynşa şeberlık sabaǧyna qatysyp, dästürlı bauyrsaq pen samaurynnan qūiylǧan şaidan däm tatty.
Köpşılıktıŋ nazary Äiteke bi audanynyŋ arnaiy alaŋyna tüstı. Mūnda tary ösıru jäne öŋdeu tarihyna arnalǧan eksponattar qoiylyp, dändı daqyldy dästürlı täsılmen daiyndau üderısı körsetıldı. Keluşıler ataqty taryşy Şyǧanaq Bersievtıŋ Qazaqstan auyl şaruaşylyǧyn damytuǧa qosqan ülesı turaly keŋırek mälımet alyp, osy daqylǧa qatysty ūlttyq dästürlerdıŋ erekşelıkterımen tanysty.
Festival aumaǧynda halyq şeberlerınıŋ qolöner būiymdary körmesı de ūiymdastyryldy. Qonaqtar terıden, kiızden, aǧaştan jäne jünnen jasalǧan avtorlyq jūmystardy tamaşalap, zergerlık öner tuyndylarymen tanysty jäne qolönerşıler ötkızgen şeberlık sabaqtaryna qatysty.
Gastrofestival aiasyndaǧy maŋyzdy ıs-şaralardyŋ bırı auyl şaruaşylyǧy salasynyŋ mamandaryn, agronomdardy, qoǧam ökılderın jäne sarapşylardy bırıktırgen «Aqtöbe – tarynyŋ astanasy» atty döŋgelek üstel boldy. Kezdesu barysynda tary ösıru dästürın jaŋǧyrtu, onyŋ paidaly qasietterı, sondai-aq öŋırdıŋ agrarlyq jäne gastronomiialyq äleuetın damytu perspektivalary talqylandy.
Gastrofestival ūlttyq taǧamdardy nasihattaityn merekelık şara ǧana emes, mädeni mūrany därıpteuge, dästürlı önımderge degen qyzyǧuşylyqty arttyruǧa jäne tarihi jadyny saqtauǧa baǧyttalǧan maŋyzdy alaŋǧa ainaldy. Is-şara qazaq halqynyŋ tarihy men mädenietındegı tarynyŋ erekşe ornyn taǧy bır märte aiqyndap, Aqtöbe oblysynyŋ osy bıregei daqyldy damytudaǧy maŋyzdy ortalyqtardyŋ bırı ekenın körsettı.
