Atyrauda qoǧamdyq qauıpsızdıktı qamtamasyz etu üşın jasandy intellekt negızındegı beineanalitika jüiesı engızılıp, 400 kamera Jİ arqyly qyzmet etude. Işkı ıster ministrı jariialaǧan Profilaktika jyly aiasynda Atyrau oblysynda “Zaŋ men tärtıp” qaǧidatyn jüzege asyru maqsatynda ıske qosylǧan intellektualdy beineanalitika jüiesı polisiianyŋ qoǧamdyq qauıpsızdıktı qamtamasyz etu jäne qūqyq būzuşylyqtardyŋ aldyn alu jūmystaryn tiımdı atqaruyna mümkındık berude.
Bügınde Atyrau qalasynda jasandy intellekt elementterı bar 400 beinebaqylau kamerasy jūmys ısteidı. Olar adamdar köp jinalatyn nysandarǧa – aialdamalarǧa, äuejai men temırjol vokzalyna, sondai-aq avtovokzal aumaǧyna ornatylǧan.
Jüie azamattardyŋ jüzın tanyp, agressivtı mınez-qūlyqty, adamdardyŋ şamadan tys jinaluyn, jäne özge de kümändı jaǧdailardy avtomatty türde tırkeidı. Mūndai jait anyqtalǧan sätte jüie jedel qyzmetterge bırden dabyl signaly jıberedı. Sondai-aq, jüiege ızdeudegı, eseptegı tūlǧalardyŋ fotosuretterı engızılgen, kamera obektivıne ılıngen boida bet pışınderı arqyly säikestendırılıp, lezde Jedel basqaru ortalyǧyna habarlama tüsedı.
Atyrau oblysy PD Jedel basqaru ortalyǧy bastyǧynyŋ orynbasary ärı jedel den qoiu bölımınıŋ bastyǧy polisiia polkovnigı Janat Rahmetovanyŋ aituynşa, beineanalitika jüiesı öz tiımdılıgın däleldep ülgergen.
– Jyl basynan berı beineanalitika jüiesınıŋ kömegımen 72 adam anyqtalyp, onyŋ ışınde 28 qūqyq būzuşy polisiiaǧa jetkızıldı. Anyqtalǧandardyŋ basym bölıgı – äuejai, temırjol jäne avtovokzal aumaqtarynda jasandy intellekt arqyly bet beinesı säikestendırılıp tanylǧan azamattar, – dedı ol.
Aita ketu kerek, “TargetEye” baǧdarlamasymen jyl basynan- 4516 äkımşılık qūqyqbūzuşylyq anyqtalyp, 125 qylmys aşylǧan.
Jaŋa sifrlyq tehnologiialar polisiia jūmysynyŋ tiımdılıgın arttyryp, qoǧamdyq qauıpsızdık deŋgeiın köteruge baǧyttalǧan. Bolaşaqta mūndai intellektualdy jüielerdı oblystyŋ özge audandaryna ornatu josparlanyp otyr.
