Arnaıy komıssııa bazalyq óndiris jáne Teńiz kenishindegi Bolashaq nysandaryna baryp, óndiristik bazalardaǵy sanıtarlyq-epıdemıologııalyq normalardyń saqtalý deńgeıin tekserdi, - dep habarlaıdy aımaqtyq shuǵyl shtab.
Arnaıy komıssııa músheleri 3GL alańyndaǵy jumystyń úılestirilý proesimen tanysty. Karantın jaǵdaıynda munda 126 adam jumys istep jatyr. Óndiristik brıgadalardyń jumysy jasyl jáne qyzyl aımaqtarǵa bólingen. Jumysshylarǵa tek óz ýchaskeleriniń aýmaǵynda ǵana qozǵalýǵa ruqsat etilgen.
Sondaı aq komıssııa 3GP, ıaǵnı, úshinshi býyn zaýytyn aralady. Zaýytta qazirgi tańda 1600 adam jumys istep jatyr. Olar da arnaıy toptarǵa bólingen. Ár topty tasymaldaıtyn transporttar bekitilgen.
Oblys ákiminiń orynbasary Erjan Ábilhanovtyń aıtýynsha, birinshi jáne ekinshi býyndaǵy zaýyttardyń jumysy asa mańyzdy. Sondyqtan, erekshe jaǵdaıdy qajet etedi. Óndiristik alańdarda sanıtarlyq normalardyń jáne áleýmettik ara qashyqtyqtyń saqtalý barysy tekserildi.
Jáne birinshi qajettiliktegi mamandardyń tasymaly men tamaqtaný jaǵdaıy da baqylandy. Óndirstik nysandardaǵy ahýalmen tanysqan QR Densaýlyq saqtaý mınıstrligi Taýarlar jáne qyzmetter sapasy men qaýipsizdigi komıteti tóraǵasynyń orynbasary Nurhan Sádýaqasov TShO jobalaryndaǵy sanıtarlyq normalardyń saqtalý deńgeıine oń baǵa berdi.
Inspekııa qorytyndysymen Teńiz kenishindegi koronavırýstyń keńinen jaıylyp ketýiniń aldyn alýdyń is-sharalar jospary bekitildi. Arnaıy komıssııa jumysy jalǵasýda.
Eske sala ketelik, Teńiz kenishinde Atyraý oblysy ákiminiń orynbasarlary Erjan Ábilhanov, Baqytgúl Hamenova bastaǵan arnaıy komıssııa jumys istep jatyr. Jumys tobynyń quramynda medıına mamandary, epıdemıologtar, quqyq qorǵaý organdary qyzmetkerleri, sanıtarlyq dárigerler jáne oblys ákimdigindegi jaýapty basqarmalardyń ókilderi bar.
Vahtalyq qalashyqtardaǵy epıdemıologııalyq ahýaldy turaqtandyrý boıynsha aýqymdy jumys júrýde.
"Adyrna" ulttyq portaly
