Bul týraly Atyraý oblysynyń ákimi Mahambet Dosmuhambetov Elbasy qatysýymen ótken Qazaqstan Halqy Assambleıasynyń HHIH sessııasynan keıin oblystaǵy etno-mádenı birlestikterdiń ókilderimen kezdesýinde aıtty.
Oblys ákimi Mahambet Dosmuhambetov 22 sáýirde Memleket basshysy Qasym-Jomart Toqaevtyń tóraǵalyǵymen óńirdiń áleýmettik-ekonomıkalyq damý máseleleri qaralǵan keńeste jeti baǵyttan turatyn naqty mindetter júktelgenin atap ótti. Oblysty damytýdyń 2021-2025 jyldarǵa arnalǵan Keshendi josparyn qabyldaýdy tapsyrǵanyn jetkizdi.
«Jospar jobasynda oblysqa aldaǵy 5 jylda shamamen 9,5 trln teńge ınvestıııalar tartý, onyń ishinde 8 trln 600 mlrd teńgeden astam jeke ınvestıııalar tartý qarastyrylǵan. Sonyń arqasynda 42 myńnan astam jańa jumys oryndaryn qurý kózdelgen. Keshendi jospardy iske asyrý Atyraý oblysynyń damýyna qýatty serpin berip, azamattarymyzdy tolǵandyratyn kóptegen máselelerdi sheshýge múmkindik beredi»,- degen aımaq basshysy bul josparlardy iske asyrýda Qazaqstan halqy Assambleıasynyń da mańyzdy rólge ıe bolatynyn aıtty.
Sonymen qatar, aımaq basshysy sessııaǵa qatysýshylardy alda kele jatqan 1 mamyr – Qazaqstan halqynyń birligi kúnimen quttyqtady.
«Táýelsizdik jyldaryndaǵy syndarly saıasattyń arqasynda Qazaqstanda 130-dan astam ult ókilderi tatý-tátti ómir súrýde. Olar birinshi mamyrda bereke men birlikti, beıbitshilik pen yntymaqty merekeleýdi dástúrge aınaldyrdy. Sizderdi osynaý ataýly kúnmen quttyqtaımyn!»,-dedi oblys ákimi.
Jıyn sońynda Qazaqstan Halqy Assambleıasy músheleri Zýrab Bobohıdzege «Qazaqstan konstıtýııasyna 25 jyl», al Aleksandr Dýmlerge «Qazaqstan Halqy Assembleıasyna 25 jyl» merekelik medalin tabystady.
