Atyraý qalasy Nursaıa yqsham aýdanyndaǵy kópqabatty úılerdiń birinde úsh jasar bala terezeden qulap ketken. Bul týraly oblystyq tótenshe jaǵdaılar departamentiniń baspasóz hatshysy málimdedi, dep habarlaıdy “Adyrna” ulttyq portaly.
Aqparatqa súıensek, qaraýsyz qalǵan bala 2-qabattan qulaǵan. Dárigerler balanyń jaǵdaıy aýyr ekenin aıtty.
"Oqys oqıǵa 16 qyrkúıekte saǵat 20:00 shamasynda boldy. Bala alty qabatty turǵyn úıdiń ekinshi qabatynan qulap ketken. Ol ata-anasynyń qaraýynsyz qalǵan. 2021 jyly týǵan bala Atyraý oblystyq balalar aýrýhanasyna jatqyzyldy", - dedi oblystyq TJ departamentiniń baspasóz hatshysy Farýza Qaırollına.
