Qytaı jasandy ıntellektpen jabdyqtalǵan uzaq qashyqtyqqa ushatyn apparat shyǵardy. Jańa Rainbow-9 (aıhýn-9) sońǵy ushqyshsyz basqarylatyn apparaty 10 myń shaqyrymnan astam qashyqtyqty baǵyndyra alady. Bul týraly South China Morning Post (SCMP) gazeti jazdy, dep habarlaıdy “Adyrna” ulttyq.
Málimet boıynsha, memlekettik CCTV telearnasy Shensı provınııasyndaǵy aerodromda ushý synaqtary kezinde Rainbow 9 túsirilimin kórsetti. Apparat 20 saǵattan astam ýaqyt ushqan.
Áskerı sarapshy Sýn Chjýnpın basylymǵa Rainbow 9 apparatyna JI júıelerin ornatý onyń áskerı tıimdiligin aıtarlyqtaı arttyratynyn habarlady.
Onyń atap ótýinshe, Rainbow-9 bir ýaqytta birneshe ushqyshsyz apparatty basqara alady. Budan bólek, qurylǵy basqarylatyn jaýyngerlik ushaqtarmen birge jumys isteýge qabiletti.
Basylym málimetinshe, apparat 0,5-ten 0,75 Mah-qa deıingi jyldamdyqpen usha otyryp áýede 40 saǵatqa deıin bola alady. Bul oǵan 10 myń shaqyrymnan astam qashyqtyqty eńserýge múmkindik beredi. SCMP atap ótkendeı, Qytaı aeroǵaryshtyq ǵylymı-tehnıkalyq korporaııasy (CASC) ázirlegen Rainbow-9 «toptamadaǵy eń ozyq ushqyshsyz basqarylatyn apparat». Onyń qanatynyń uzyndyǵy 24,8 metr, bul 10 myń metrden joǵary bıiktikte uzaq merzimdi mıssııalar ótkizý úshin jetkilikti kótergish kúshin qamtamasyz etedi.
