Auyldyq jerlerge baratyn medisina mamandaryna körsetıletın äleumettık qoldau kölemı 2,2 mlrd teŋgeden 4,5 mlrd teŋgege deiın ösken, dep habarlaidy "Adyrna".
Tek qarjylai kömek qana emes, baspana mäselesın şeşuge de mümkındık berılıp otyr.
Atap aitqanda:
Audan ortalyqtaryndaǧy mamandarǧa 2500 AEK, auyldyq jerlerdegılerge 2000 AEK kölemınde biudjettık nesie qarastyrylǧan.
Jaŋadan barǧan mamanǧa 100 AEK mölşerınde bırjolǧy tölem berıledı.
Balabaqşadan oryn alu, balalarynyŋ joǧary oqu ornyna tüsuı kezındegı jeŋıldıkter, äskeri qyzmettı mamandyǧy boiynşa öteu nemese keiınge şegeru mümkındıgı bar.
Sonymen qatar, jergılıktı mäslihattar därıgerlerdı tūraqtandyru üşın qosymşa subsidiialar, jaldamaly päter aqysy men kommunaldyq tölemderdı öteu siiaqty kömek türlerın ūsynyp otyr.
«2025 jyldyŋ qorytyndysy boiynşa 1760 därıger türlı qoldau şaralarymen qamtyldy. Onyŋ ışınde 727 mamanǧa qyzmettık päter berılse, 1714 därıger köterme järdemaqy aldy. Auyldyq jerlerge barlyǧy 1005 maman bardy», — dep habarlady mekeme ökılderı.
Mamandardyŋ bılıktılıgın arttyru mäselesı de nazardan tys qalǧan joq. Bügınde 24 myŋ medisina qyzmetkerı bılıktılıgın arttyrdy.
Ministrlık medisina qyzmetkerlerınıŋ qūqyqtaryn qorǧauǧa baǧyttalǧan 2026–2028 jyldarǧa arnalǧan äleumettık ärıptestık jönındegı salalyq kelısımge qol qoidy.
