اۋىلدىق جەرلەرگە باراتىن مەديتسينا ماماندارىنا كورسەتىلەتىن الەۋمەتتىك قولداۋ كولەمى 2,2 ملرد تەڭگەدەن 4,5 ملرد تەڭگەگە دەيىن وسكەن، دەپ حابارلايدى "ادىرنا".
تەك قارجىلاي كومەك قانا ەمەس، باسپانا ماسەلەسىن شەشۋگە دە مۇمكىندىك بەرىلىپ وتىر.
اتاپ ايتقاندا:
اۋدان ورتالىقتارىنداعى ماماندارعا 2500 اەك، اۋىلدىق جەرلەردەگىلەرگە 2000 اەك كولەمىندە بيۋدجەتتىك نەسيە قاراستىرىلعان.
جاڭادان بارعان مامانعا 100 اەك مولشەرىندە بىرجولعى تولەم بەرىلەدى.
بالاباقشادان ورىن الۋ، بالالارىنىڭ جوعارى وقۋ ورنىنا ءتۇسۋى كەزىندەگى جەڭىلدىكتەر، اسكەري قىزمەتتى ماماندىعى بويىنشا وتەۋ نەمەسە كەيىنگە شەگەرۋ مۇمكىندىگى بار.
سونىمەن قاتار، جەرگىلىكتى ءماسليحاتتار دارىگەرلەردى تۇراقتاندىرۋ ءۇشىن قوسىمشا سۋبسيديالار، جالدامالى پاتەر اقىسى مەن كوممۋنالدىق تولەمدەردى وتەۋ سياقتى كومەك تۇرلەرىن ۇسىنىپ وتىر.
«2025 جىلدىڭ قورىتىندىسى بويىنشا 1760 دارىگەر ءتۇرلى قولداۋ شارالارىمەن قامتىلدى. ونىڭ ىشىندە 727 مامانعا قىزمەتتىك پاتەر بەرىلسە، 1714 دارىگەر كوتەرمە جاردەماقى الدى. اۋىلدىق جەرلەرگە بارلىعى 1005 مامان باردى»، — دەپ حابارلادى مەكەمە وكىلدەرى.
مامانداردىڭ بىلىكتىلىگىن ارتتىرۋ ماسەلەسى دە نازاردان تىس قالعان جوق. بۇگىندە 24 مىڭ مەديتسينا قىزمەتكەرى بىلىكتىلىگىن ارتتىردى.
مينيسترلىك مەديتسينا قىزمەتكەرلەرىنىڭ قۇقىقتارىن قورعاۋعا باعىتتالعان 2026–2028 جىلدارعا ارنالعان الەۋمەتتىك ارىپتەستىك جونىندەگى سالالىق كەلىسىمگە قول قويدى.
