Körnektı därıger, ǧalym jäne pedagog Nina Qaiupova ömırden öttı, dep habarlaidy "Adyrna" ūlttyq portaly.
Būl turaly Sanjar Asfendiiarov atyndaǧy Qazaq ūlttyq medisina universitetı özderınıŋ äleumettık jelıdegı paraqşasynda jazdy.
Nina Qaiupova – Qazaqstandaǧy akuşerlık-ginekologiialyq qyzmettıŋ qalyptasuyna zor üles qosqan medisina salasynyŋ ırı ökılı.
Ol – Akuşerlık, ginekologiia jäne perinatologiia ǧylymi ortalyǧynyŋ negızın qalauşylardyŋ bırı.
Özınıŋ käsıbi jolynda 30 myŋnan astam säbidıŋ düniege keluıne kömektesıp, 25 ǧylym doktory men 40 ǧylym kandidatyn daiyndaǧan. 19 monografiia men 400-den astam ǧylymi maqalanyŋ avtory atanǧan Nina Ämırqyzy soŋǧy jyldary da ǧylymnan qol üzbei, bas ǧylymi qyzmetker jäne käsıbi jurnaldyŋ bas redaktory retınde eŋbek etken.
Universitet ūjymy marqūmnyŋ tuǧan-tuystaryna qaiǧyryp köŋıl aita otyryp, onyŋ esımı Qazaqstan medisinasy tarihynda mäŋgı qalatynyn atap öttı.
Qoştasu räsımı 16 şılde künı saǧat 10:00-de Concordia teatrynda öttı.
