QR Parlamentı Senaty Töraǧasynyŋ orynbasary Jaqyp Asanov Konstitusiialyq reforma jönındegı komissiianyŋ alǧaşqy otyrysynda jeke derekterdı qorǧau mäselesınıŋ özektılıgıne nazar audardy, dep habarlaidy "Adyrna" ūlttyq portaly.
Onyŋ aituynşa, sifrlyq däuırde azamattardyŋ qūqyǧy tek qaǧaz jüzınde emes, naqty ärı tiımdı türde qorǧaluy tiıs. Soŋǧy jyldary köşedegı qylmys aitarlyqtai azaiǧanymen, alaiaqtyq pen tonau sifrlyq keŋıstıkke köşken.
Mysal retınde Asanov Aqmola oblysynda äşkerelengen qylmystyq topty atady. Ūiymdasqan top 348 azamattyŋ jeke derekterın zaŋsyz iemdenıp, olardyŋ atynan şamamen 4 milliard teŋge kölemınde nesie räsımdegen. Nätijesınde adamdar bankke barmai-aq, qūjatqa qol qoimai-aq, kütpegen jerden qaryzǧa batqan.
Senat Töraǧasynyŋ orynbasary smartfon men internetke täueldı qazırgı ömırde azamattardyŋ jeke derekterı alaiaqtardyŋ oŋai oljasyna ainalyp otyrǧanyn aitty. Onyŋ pıkırınşe, Konstitusiiada bekıtılgen jeke ömırge qol sūqpauşylyq qaǧidaty sifrlyq keŋıstıkte de tolyq qamtamasyz etıluı qajet.
«Adam köşede de, üide de özın qorǧalǧan sezınedı. Bıraq internet pen smartfon keŋıstıgınde mūndai senım joq. Jeke derekter qoldan qolǧa ötıp, azamattar kün saiyn alaiaqtardyŋ qūrbanyna ainaluda. Är adam qaida jürse de — şynaiy ömırde bolsyn, sifrlyq ortada bolsyn — özınıŋ qorǧalǧanyn sezınuı tiıs. Būl memlekettıŋ tıkelei mındetı», – dedı Jaqyp Asanov.
Ol söz soŋynda Konstitusiialyq reforma aiasynda jeke derekterdı qorǧau mäselesın arnaiy qarastyru qajet ekenın atap öttı.
