Jaŋa Konstitusiia jobasyn aşyq ärı jalpyhalyqtyq talqylau üşın bes jetekşı saiasi partiia men 300-den astam qoǧamdyq ūiym küş bırıktıruge daiyn ekenın mälımdedı.
Astanada eldıŋ qoǧamdyq-saiasi küşterınıŋ basyn qosqan «Ädılettı jäne Progressivtı Qazaqstannyŋ Halyqtyq Konstitusiiasy üşın!» jalpyūlttyq koalisiiasy qūryldy. Osy bastamanyŋ jalǧasy retınde öŋırlık koalisiialar elımızdıŋ barlyq aimaǧynda resmi türde jūmysyn bastady. Olar Konstitusiia jobasynyŋ negızgı erejelerın tüsındırıp, azamattarmen tıkelei kezdesuler ötkızedı.
Öŋırlık koalisiialar qūramyna engen qoǧamdyq-saiasi küşterdıŋ ökılderı Memleket basşysynyŋ Konstitusiiany jaŋartu baǧyty qoǧamnyŋ ädıldıkke, zaŋ üstemdıgıne jäne tiımdı memlekettık basqaruǧa degen sūranysyn körsetetının atap öttı. Prezident öz sözınde Konstitusiiany jaŋartu aşyq ärı adal qoǧamdyq dialogtyŋ nätijesı boluy tiıs ekenın bırneşe ret aitqan.
Alǧaşqy öŋırlık koalisiia Qaraǧandy öŋırınıŋ aumaǧynda qūryldy. Aimaqta halyqty keŋınen aqparattandyruǧa baǧyttalǧan 858 ıs-şara men qoǧamdyq aksiia ötkızu josparlanǧan.
Batys Qazaqstan oblysy aumaǧynda 700-den astam auqymdy ıs-şara ūiymdastyru közdelıp otyr. Būl jaŋa Konstitusiia jobasyndaǧy özgerısterdı jan-jaqty tüsındıruge, tūrǧyndardyŋ pıkırın eskeruge jäne aşyq pıkır almasuǧa mümkındık beredı. Qatysuşylar jaŋa Konstitusiia el bolaşaǧynyŋ baǧdaryn aiqyndaityn maŋyzdy qūjat ekenın atap öttı.
Türkıstan oblysy boiynşa öŋırlık koalisiianyŋ 457 müşesı barlyq audan men qalada ärtürlı sanattaǧy tūrǧyndarmen 1959 kezdesu ötkızudı josparlap otyr. Oblysta 1 mln 195 myŋnan astam sailauşy tırkelgen.
Aqtöbe oblysynyŋ aumaǧynda da tūrǧyndarmen tūraqty kezdesuler ūiymdastyrylyp, 1300-den astam ıs-şara ötkızu közdelgen. Qatysuşylar jaŋa Konstitusiiany qabyldaudyŋ tarihi maŋyzyn keŋınen tüsındıru üşın qoǧamnyŋ ozyq küşterın bırıktıru qajet ekenın atap öttı.
Jambyl oblysynyŋ koalisiia müşelerı Jaŋa Konstitusiia jobasy saiasi jüienı jaŋǧyrtuǧa, äleumettık kepıldıkterdı küşeituge, käsıpkerlıktı, ǧylym men mädeniettı damytuǧa, ūlttyq qūndylyqtardy nyǧaituǧa baǧyttalǧan strategiialyq basymdyqtarǧa säikes keletının atap öttı.
Almaty oblysynda öŋırlık koalisiianyŋ 200-den astam müşesı belsendı tüsındıru jūmysyn jürgızuge daiyn ekenın rastady. Qatysuşylar jaŋa Konstitusiia jobasy «Ädılettı Qazaqstan. Zaŋ men tärtıp» qaǧidatyn negızge alatyn jalpyhalyqtyq dialog nätijesı ekenın aitty.
Qyzylorda oblysynyŋ aumaǧynda öŋırlık jäne aumaqtyq koalisiialar qūramynda 349 adam bar, sondai-aq 200-den astam erıktı jūmyldyrylǧan. Aldaǧy kezeŋge arnalǧan 695 ıs-şaradan tūratyn keşendı jospar äzırlendı. Qatysuşylardyŋ aituynşa, jaŋa Negızgı zaŋ qoǧamdaǧy tereŋ özgerıster men jaŋa buynnyŋ jaŋarǧan közqarasyna jauap retınde qabyldanady.
Pavlodar öŋırınde eŋbek ūjymdarymen, sarapşylarmen jäne tūrǧyndarmen kezdesuler, onyŋ ışınde şalǧai eldı mekenderge baru josparlanǧan. Koalisiia müşelerı referendum tıkelei demokratiianyŋ maŋyzdy qūraly ekenın jäne azamattarǧa eldıŋ saiasi-qūqyqtyq damuynyŋ baǧytyn aiqyndauǧa mümkındık beretının atap öttı.
Qostanai oblystyq koalisiiasynyŋ kün tärtıbınde aldaǧy ıs-qimyl jospary, ūiymdastyru qūrylymy jäne tüsındıru jūmysynyŋ negızgı baǧyttary talqylandy.
Aita keteiık, elımızdıŋ barlyq öŋırınde belgılengen otyrystar ötkızıldı jäne aldaǧy bır ai boiy koalisiia müşelerı eldıŋ barlyq aimaqtaryna baryp, eŋbek ūjymdarymen, sarapşylar qauymdastyǧymen jäne tūrǧyndarmen kezdesuler ötkızedı, osylaişa konstitusiialyq özgerısterdı talqylauǧa azamattardy keŋınen tartu men auqymdy qoǧamdyq dialogty qamtamasyz etedı. Jaŋa Konstitusiia jobasy boiynşa tüpkılıktı şeşım 15 nauryzda ötetın respublikalyq referendumda halyqtyŋ dauys beruı arqyly qabyldanady.
