Qazaqstannyŋ belgılı rejisserı Älıbek Ömırbekūly jaŋa spektaklımen körermendı quantady. Şyǧarma dästürlı teatraldyq ülgıden tys, zamanaui postdramalyq teatr stilınde ūsynylady.
«Şıder» – Qazaqstan teatr tarihynda barlau operasiialaryn sahnalaityn alǧaşqy tuyndy. Spektaklde şielenıske toly oqiǧalar men tartymdy siujetter körermenge ūsynylady.
Basty keiıpkerlerdı Qazaqstannyŋ eŋbek sıŋırgen qairatkerı Ainūr Bolat pen teatr jäne kino akterı Erjan Nūrymbet somdaidy.
«Şıder» – mahabbat pen paryz arasyndaǧy ünsız maidan. Qosan men Aqjan – bır däuırdıŋ balalary. Olardy toǧystyrǧan – Almatynyŋ ystyq köşelerı, al aiyrǧan – taǧdyrdyŋ qūpiia joly. Bırı – el üşın ünsız qyzmet etken barlauşy, ekınşısı – sol eldıŋ şettegı qorǧauşysy.
Mahabbat bar, bıraq aituǧa bolmaidy. Saǧynyş bar, bıraq jol jabyq. Olardy ūstap tūrǧan – şıder.
Drama el taǧdyry men jeke sezım arasyndaǧy küres, tyŋ älem, tylsym qyzmet pen tüisıktı qozǧaityn şyndyq turaly baiandaidy. «Şıder» – paryzǧa bailanǧan mahabbattyŋ hikaiasy.
