Osydan 115 jyl būryn, 1905 jyly 15 nauryzda änşı, rejisser, dramaturg, Qazaqstannyŋ Halyq ärtısı Qanabek Bäiseiıtov düniege keldı.
Almaty oblysynda tuǧan ol jastaiynan än salyp, «änşı bala» atanǧan. 1920 jyldan qyzmetke aralasa bastaidy. Auyldaǧy sauat aşu mektebınde oqytuşy bolǧan. Qazaq pedagogikalyq tehnikumyn bıtırgen. Osy tehnikumda oqyp jürgende, 1926 jyly tehnikum önerpazdary qoiǧan J.Şaninnıŋ «Arqalyq batyr» spektaklındegı Arqalyq rölın oinap, akterlık talantyn baiqatady. 1927 jyly ūiymdastyrylǧan jastar teatrynyŋ rejisserı boldy. 1929 jyly Qazaq drama teatryna qabyldandy. Akterlık qyzmetımen qatar, pesalar («Ozbyr bolys», «Zäure», «Tartys», «Kelınşek», t.b.) jazyp, orys jazuşylarynyŋ bırneşe pesasyn qazaqşaǧa audardy. Qazırgı Abai atyndaǧy Qazaq memlekettık akademiialyq opera jäne balet teatrynda M.Äuezov pen İ.Kosyktyŋ «Aiman - Şolpanynda» Arystannyŋ tūlǧasyn sahnalady. Tölegen, Tarǧyn, Abai, Arystan han siiaqty türlı sipattaǧy operalyq obrazdardy somdady. Ol Qazaq opera jäne balet teatrynyŋ (Abai atyndaǧy Qazaq memlekettık akademiialyq opera jäne balet teatry) alǧaşqy rejiserlerınıŋ bırı retınde «Abai», «Qamar sūlu», «Qyz Jıbek», «Dudarai», «Daisi», «Evgenii Onegin», «Kniaz İgor» operalaryn sahnaǧa şyǧardy.
Köptegen kinofilmderde oinap, dramaturgiia salasynda da jemıstı eŋbek ettı. «Beu, qyzdar-ai», «Oi, jıgıtter-ai» komediialarynyŋ, «Dostyq jolymen» baletınıŋ jäne «Aisūlu», «Altyn taular» atty operalardyŋ librettolaryn (Q.Şaŋǧytbaevpen bırge) jazdy. Onyŋ «Qūştar köŋıl» kıtaby qazaq, orys tılderınde jaryq kördı.
Eŋbek Qyzyl Tu, «Qūrmet belgısı» ordenderımen, medaldarmen marapattalǧan. Qazaq ruhaniiatynyŋ qalyptasuy men damuyna zor ülesın qosqan tūlǧa 1979 jyly qaitys boldy.
Qosymşa derek: alǧaşqy derektı film, alǧaşqy konsert, tıptı bırınşı qazaqstandyq telehikaia da käströldegı erıtındı arqyly jaryqqa şyqty. Telehikaia «Abai daŋǧyly, üidıŋ nömırı» dep ataldy. Basty röldı Qanabek Bäiseiıtov somdaǧan.
https://youtu.be/vWunIx9RzDw
Ūqsas jaŋalyqtar
