Qazaqstan Ükımetı memlekettık basqaru jüiesın oŋtailandyruǧa baǧyttalǧan №604 qaulyny qabyldady, dep habarlaidy "Adyrna" ūlttyq portaly.
Qūjatqa säikes, bırqatar memlekettık ūiym bırıktırılıp, qaita ūiymdastyrylady. Mäselen, Ūlttyq kinony qoldau memlekettık ortalyǧy «Qazaqfilmge», al «Kamerata Qazaqstan» ansamblı Jambyl atyndaǧy Qazaq memlekettık akademiialyq filarmoniiasyna qosylady.
Oqu-aǧartu ministrlıgıne qarasty üş ūiym Ybyrai Altynsarin atyndaǧy Ūlttyq bılım akademiiasynyŋ qūramyna ötedı. Densaulyq saqtau jüiesınde Respublikalyq qan ortalyǧy Ǧylymi-öndırıstık transfuziologiia ortalyǧymen bırıktırıledı.
Sonymen qatar «Talap» KEAQ, Qoldanbaly etnosaiasi zertteuler instituty jäne «Dostyq Energo» AQ tolyq taratylady.
Qaulynyŋ negızgı bölıgı 2026 jylǧy 1 qyrküiekten bastap küşıne enedı. Keibır normalar 2027-2028 jyldary kezeŋ-kezeŋımen engızıledı.
