Ükımet Almaty oblysynyŋ Jambyl audanynda ekınşı atom elektr stansiiasyn salu turaly şeşımdı bekıttı. Tiıstı qaulyǧa bügın, 26 qaŋtarda premer-ministr Oljas Bektenov qol qoidy, dep habarlaidy «Adyrna» tılşısı.
«Ekınşı atom elektr stansiiasy» iadrolyq qondyrǧysyn salu jäne Almaty oblysynyŋ Jambyl audany – iadrolyq qondyrǧy salynatyn audan turaly şeşım qabyldansyn. Osy qauly qol qoiylǧan künınen bastap qoldanysqa engızıledı»,- delıngen qauly mätınınde.
Eske salaiyq, 2025 jyldyŋ 1 qazanynda Atom energiiasy agenttıgınıŋ töraǧasy Almasadam Sätqaliev Almaty oblysynda ekınşı AES salynatynyn habarlaǧan bolatyn. Onyŋ aituynşa, stansiiany Jambyl audanynda salu eldıŋ oŋtüstıgın senımdı ärı tūraqty energiiamen qamtamasyz etu üşın qajet. Sondai-aq äleuettı merdıgerlermen kelıssözder jürgızılıp, qytailyq CNNC kompaniiasy basym ümıtker retınde qarastyrylǧan. Jergılıktı tūrǧyndar jobany qoldaǧan.
Ötken jyldyŋ tamyz aiynda Almaty oblysy Jambyl audanyndaǧy Ülken auylynda AES qūrylysy jobasy boiynşa alǧaşqy jūmystar bastalǧan edı. Bas merdıger retınde reseilık «Rosatom» kompaniiasy belgılengen.
