Britandyq marafonşy-jüzuşı Liuis Piu İranmen aradaǧy soǧystyŋ ekologiiaǧa tigızgen zardabyna nazar audartu maqsatynda Ormuz būǧazy arqyly üş kündık jüzu saparyn aiaqtady. Būl turaly The Independent basylymy jazdy, dep habarlaidy "Adyrna".
Jüzuşı jalpy ūzyndyǧy şamamen 15 şaqyrym bolatyn qaşyqtyqty bırneşe kezeŋge bölıp jüzıp ötken. Baǧyt Oman jaǧalauyndaǧy Musandam tübegınen Ormuz müiısıne deiın sozylǧan.
56 jastaǧy Liuis Piudıŋ aituynşa, düisenbı künı jüzudı bastaǧannan keiın jarty saǧat ötpei-aq ekı qatty jarylystyŋ dauysyn estıgen. Sol sätte özınen şamamen 4 şaqyrym qaşyqtyqta snariad mūnai tankerıne tigen. Keiın ol Tara Gas gaz tasymaldauşy kemesınıŋ örtenıp jatqanyn körgen.
«Osy gaz tasymaldauşy kemenıŋ janynan jüzıp ötken sätımdı eşqaşan ūmytpaimyn. Aldymen himiialyq zattardyŋ iısı sezıldı, sodan keiın jalyn aspanǧa otty şarlar sekıldı köterıldı. Kemenıŋ ainalasyndaǧy su da janyp jatty», – dedı sportşy.
Piu qaqtyǧystyŋ ekologiialyq zardaby gumanitarlyq şyǧyndardyŋ köleŋkesınde qalyp qoiatynyn atap öttı.
«Soǧys adamzatqa orasan zor qaiǧy-qasıret äkeledı. Adamdar qaza tabady, otbasylar oiran bolady, üiler, auruhanalar men mektepter qiraidy. Alaida nazardan tys qalyp jatqan taǧy bır qūrban bar. Ol – tabiǧattyŋ özı», – dep jazdy ol özınıŋ saitynda.
Ormuz būǧazy älemdık mūnai tasymaly üşın maŋyzdy teŋız joly ǧana emes, sonymen qatar erekşe tabiǧi aimaqtardyŋ bırı sanalady. Liuis Piu būl öŋırdı özı körgen eŋ ädemı jerlerdıŋ bırı dep sipattady. Mūnda marjan rifterı, mangr ormandary, diugonder, teŋız tasbaqalary men kit akulalary mekendeidı.
Sportşynyŋ eskertuınşe, mūnaidyŋ tögıluı men himiialyq zattardan bolatyn lastanu osy ekojüielerge ūzaq merzımdı ziian keltıruı mümkın. Onyŋ saldary ondaǧan jyl boiy sezıluı yqtimal.
Liuis Piu taraptardy äskeri äreketterdı toqtatuǧa, Ormuz būǧazyn aşuǧa jäne lastanǧan sulardy tazartuǧa şaqyrdy.
