Ükımet otyrysynda Premer-ministr Oljas Bektenov Ūlttyq qūryltaidyŋ 5-şı otyrysynda memleket basşysy Qasym-Jomart Toqaevtyŋ būǧan deiın jariialaǧan auqymdy saiasi reformalarynyŋ jalǧasy bolǧan bastamalar köterılgenın aitty, dep habarlaidy «Adyrna» tılşısı.
«Keşegı ötken Ūlttyq qūryltaidyŋ 5‑şı otyrysynda Memleket basşysy Qasym-Jomart Kemelūly Toqaev būǧan deiıngı auqymdy saiasi reformalarynyŋ jalǧasy bolyp tabylatyn bastamalaryn jariia ettı. Parlament pen qoǧamdyq instituttardyŋ rölın küşeitu turaly ūsynystar saiasi jüiemen qatar, azamattarymyzdyŋ mädenietıne de demokratiialyq qaǧidattardy bırjolata ornyqtyru prosesı jürıp jatqanyn bıldıredı. Qazaqstannyŋ zamanaui syn-tegeurınderge qarsy tūruyna kepıldık beretın asa maŋyzdy ideologiialyq tūjyrymdar aiqyndaldy.
Būlar – qoǧamdy ūiystyru, otanşyldyq, ädıldık jäne "Zaŋ men Tärtıp" qaǧidattaryna degen myzǧymas ūstanym. Ūlttyq ideologiiamyzdyŋ ajyramas bölıgıne ainalǧan "Taza Qazaqstan" da negızgı qūndylyqtardyŋ qatarynda tūr»,-dep atap öttı Premer-ministr.
Sondai-aq memleket basşysynyŋ alǧa qoiǧan elımızdıŋ odan ärı ekonomikalyq damuyna qatysty negızgı mındetterdı ıs jüzınde jüzege asyru qajettıgıne nazar audaryldy.
«Prezident ärbır jauapty lauazymdy tūlǧaǧa batyl ärı tosyn innovasiialyq şeşımder qabyldau qajettıgı turaly qataŋ talaptar qoidy. Būl ömırdıŋ barlyq salasyna qatysty. Ärbır ministr men äkımnen, ärbır sala men öŋırde közge körınetındei naqty nätijeler kerek»,-dedı Oljas Bektenov.
