Suret Jİ kömegımen jasaldy
Qazaqstan premer-ministrı tünde kölık pen motosiklden qatty şu şyǧaratyn jürgızuşılerge qatysty jazany qataŋdatudy tapsyrdy, dep habarlaidy “Adyrna” tılşısı.
Ükımet otyrysynda premer-ministr IIM Erjan Sädenovten mūndai qūqyq būzuşylyqtardyŋ aldyn alu boiynşa qandai şaralar qabyldanyp jatqanyn sūrady.
«Äsırese, tüngı uaqytta qatty şu şyǧaratyn kölık pen motosikl jürgızuşılerıne qatysty qandai jūmys jürgızılıp jatyr? Būl mäselenı bız bırneşe ret talqyladyq. Qataŋ şaralar qabyldau qajet. Öitkenı olar tünde tūrǧyndarǧa kedergı keltıredı», – dedı Oljas Bektenov.
Işkı ıster ministrınıŋ mälımetınşe, polisiia būl baǧytta täulık boiy jūmys ısteidı. Qūqyq būzuşylardy anyqtauǧa beinebaqylau kameralary men azamattardyŋ 102 nömırıne habarlasuy kömektesedı.
«Jyl basynan berı osyndai 372 derek tırkeldı. Barlyq qūqyq būzuşy äkımşılık jauapkerşılıkke tartyldy. 55 adam qamauǧa alyndy. Avtokölıkter men motosiklder aiyp tūraǧyna qoiylady. Būl baǧyttaǧy jūmysty küşeitemız», – dedı Erjan Sädenov.
Oljas Bektenov mūndai jaǧdailarda tek aiyppūlmen şektelmeudı aitty.
«Tiıstı tapsyrma berıldı. Mūndai jaǧdaida aiyppūl qoldanumen şektelmeu kerek, qūqyq būzuşylardy qamauǧa alu qajet», – dep atap öttı premer-ministr.
