Memlekettik organdarǵa, onyń ishinde Qazaqstan Joǵarǵy Soty men Bas prokýratýrasyna vedomstvolyq baǵynyshty jekelegen obektilerdi (aýdandyq jáne olarǵa teńestirilgen sottar men qalalyq prokýratýralardy) keıinnen olardy qorǵaý fýnkııalaryn básekeles ortaǵa bere otyryp, memlekettik kúzetilýge jatatyn obektiler tizbesinen alyp tastaýǵa baılanysty IIM shtaty qysqartylady dep habarlaıdy «Adyrna» ulttyq portaly IIM "ashyq normatıvtik-quqyqtyq aktiler" saıtyna silteme jasap.
Tıisti jobany IIM "ashyq normatıvtik-quqyqtyq aktiler" saıtynda jarııalady". Qujatta IIM, atap aıtqanda mamandandyrylǵan kúzet bólimsheleriniń shtat sanynyń lımıtin 2021 jylǵy 1 mamyrdan bastap qysqartý týraly aıtylǵan.
"Qazaqstan Respýblıkasy Úkimetiniń 2018 jylǵy 27 jeltoqsandaǵy № 897 qaýlysymen bekitilgen Qazaqstan Respýblıkasynyń Ishki ister organdaryn jańǵyrtý jónindegi 2019-2021 jyldarǵa arnalǵan Jol kartasynyń 24 - tarmaǵyn iske asyrý sheńberinde 2021 jylǵy 1 mamyrdan bastap mamandandyrylǵan kúzet bólimsheleriniń shtat sanynyń 2 924 birligi qysqartylady", - delingen qaýly jobasynda.
Bul rette, jobany iske asyrý memlekettik bıýdjetten qosymsha qarjy shyǵyndaryn talap etpeıtini atap ótilgen qujatta.
Qazir mınıstrlik shtatynda 126 563 adam bar, qysqartýdan keıin 123 639 adam qalady. Bul rette buryn mamandandyrylǵan kúzet bólimshelerinde 13 083 qyzmetker jumys istegen bolsa, mamyrdan bastap olardyń sany 10 159-ǵa jetedi.
Qaýly jobasy 2021 jylǵy 22 aqpanǵa deıin jarııa talqylaý úshin ornalastyrylǵan.
