Memlekettık organdarǧa, onyŋ ışınde Qazaqstan Joǧarǧy Soty men Bas prokuraturasyna vedomstvolyq baǧynyşty jekelegen obektılerdı (audandyq jäne olarǧa teŋestırılgen sottar men qalalyq prokuraturalardy) keiınnen olardy qorǧau funksiialaryn bäsekeles ortaǧa bere otyryp, memlekettık küzetıluge jatatyn obektıler tızbesınen alyp tastauǧa bailanysty IIM ştaty qysqartylady dep habarlaidy «Adyrna» ūlttyq portaly IIM "aşyq normativtık-qūqyqtyq aktıler" saityna sılteme jasap.
Tiıstı jobany IIM "aşyq normativtık-qūqyqtyq aktıler" saitynda jariialady". Qūjatta IIM, atap aitqanda mamandandyrylǧan küzet bölımşelerınıŋ ştat sanynyŋ limitın 2021 jylǧy 1 mamyrdan bastap qysqartu turaly aitylǧan.
"Qazaqstan Respublikasy Ükımetınıŋ 2018 jylǧy 27 jeltoqsandaǧy № 897 qaulysymen bekıtılgen Qazaqstan Respublikasynyŋ Işkı ıster organdaryn jaŋǧyrtu jönındegı 2019-2021 jyldarǧa arnalǧan Jol kartasynyŋ 24 - tarmaǧyn ıske asyru şeŋberınde 2021 jylǧy 1 mamyrdan bastap mamandandyrylǧan küzet bölımşelerınıŋ ştat sanynyŋ 2 924 bırlıgı qysqartylady", - delıngen qauly jobasynda.
Būl rette, jobany ıske asyru memlekettık biudjetten qosymşa qarjy şyǧyndaryn talap etpeitını atap ötılgen qūjatta.
Qazır ministrlık ştatynda 126 563 adam bar, qysqartudan keiın 123 639 adam qalady. Būl rette būryn mamandandyrylǧan küzet bölımşelerınde 13 083 qyzmetker jūmys ıstegen bolsa, mamyrdan bastap olardyŋ sany 10 159-ǧa jetedı.
Qauly jobasy 2021 jylǧy 22 aqpanǧa deiın jariia talqylau üşın ornalastyrylǧan.
Ūqsas jaŋalyqtar
