As daıyndaýǵa kóp ýaqyt pen kúsh jumsamaı, jaqyndaryńyzdy qalaı qýantýǵa bolady? Qazirgi ómirdiń qarbalastyǵy, jumystaǵy kúıbeleń keıde úıdegilerge otbasylyq keshki as daıyndaýǵa jetkilikti ýaqyt bólýge múmkindik bermeıdi. Degenmen, otbasymen ishiletin keshki as óte mańyzdy. Endeshe, "Adyrna" tilshisi jınaqtaǵan ońaı ári tez, dámi til úıirerlik keshki as ıdeıalaryn oqyp shyǵyńyz.
1.Jalqaý batondy pıa
Ingredıentter: shujyq 300 gr, qatty irimshik 250 gr, qyzanaq 2 dana, baton nan 1 dana, maıonez 4 as qasyq, ketchýp 4 as qasyq, as kók.
Baton nanyn tilimderge kesińiz, irimshikti jáne shujyqty úkkishten ótkizińiz, olardy ketchýp pen maıonezben birtekti massaǵa aralastyryńyz. Alynǵan massany qalyń qabat etip tilimderge salyńyz, ústinen qyzanaq tilimderimen jabyńyz. Eń jalqaý pıany maılanǵan pisirme tabaqqa salyńyz, 180 gradýsqa deıin qyzdyrylǵan peshte pisirińiz, ystyq kúıinde usynyńyz.
2.Pııaz qosylǵan kartoptan jasalǵan quımaq
Ingredıentter: kartop 1 kg, ósimdik maıy 100 ml, túıindi pııaz 1 dana,1 shaı qasyq tuz, ½ shaı qasyq qara burysh.
Kartopty tazalańyz jáne tez úkkishpen úgitińiz. Pııazdy blenderden ótkizińiz nemese týrańyz, artynsha kartopqa qosyńyz. Artyq suıyqtyqty tógip tastańyz. Dámine qaraı tuz ben burysh sebińiz.Qýyrýǵa arnalǵan tabada ósimdik maıyn qyzdyryńyz, massany qasyqpen alyńyz. Kartop quımaqtaryn ortasha qyzýda eki jaǵy da qyzarǵansha qýyryńyz.
3.Qyryqqabat qosylǵan jyldam pırog
Ingredıentter: oramjapyraq 1 dana, sary maı 100 gr, tuz, qamyr úshin: 3 dana jumyrtqa, 1,5 kese aıran, 1,5 kese un, 1 shaı qasyq tuz, 1/2 shaı qasyq soda.
Qyryqqabatty uzynsha etip týrańyz, tuzdańyz. Qamyryn daıyndaý úshin jumyrtqany tuz, aıran nemese qaımaqpen aralastyra shaıqańyz. Bıdaı unyn sodamen aralastyryńyz, aıran qospasyna qosyńyz. Qamyr jartylaı suıyq bolýy kerek, mysaly, quımaq sekildi.
Massany artyq suıyqtyqtan syǵyńyz, qalypqa salyńyz. Sary maıdy eritip, qyryqqabattyń ústine quıyńyz. Qamyrdy massanyń ústine quıyńyz, 180 gradýs temperatýrada 30-40 mınýt pisirińiz. Tez quıylatyn qyryqqabat pırogy qyzarýy kerek. Daıyn ydysty tabaqqa aýdaryp, jyly kúıinde berińiz.
Asyńyz dámdi bolsyn!
"Adyrna" ulttyq portaly
