Senat depýtaty Gennadıı Shıpovskıh jelidegi paraqshasynda respýblıkalyq forým týraly pikirin bildirdi, dep habarlaıdy "Adyrna" ulttyq portaly.
"Búgin Astana qalasaynda,elimizdiń tórinde Prezıdent Qasym-Jomart Toqaevtyń barlyq deńgeıdegi máslıhattar depýtattarynyń II respýblıkalyq forýmyna qatysty. Forým barysynda Memleket basshysy kóptegen mańyzdy aspektilerge toqtady. Aıtylǵan mańyzdy taqyryptardyń biri bul - damyp jatqan ıfrly zamandaǵy bizdiń balalarymyzdyń jaǵdaıy týraly.Ol boıynsha Prezıdentimiz bylaı dedi:Bizdiń qoǵam qazir betpe-bet kelgen kóptegen másele men keseldiń túp-tamyry ata-analardyń bala tárbıesine salǵyrt qaraýynan bastalady. Urpaqtyń ıfrlyq dúnıelerge táýeldi bolýy men vırtýaldy álemge shekten tys qumartýy naǵyz dertke aınaldy. Balalarǵa qatysty kez kelgen qaıǵyly jaǵdaı meniń janyma batady. Memlekettik organdardyń nazaryn dereý osyndaı jaǵdaılarǵa aýdaryp, tıisti tapsyrmalar berip, oryndalýyn turaqty baqylaýymda ustaımyn. Bul áskerdegi oqys oqıǵalarǵa da qatysty", - delingen Facebook jelisindegi jazbada.
Aıta keteıik, Gennadıı Shıpovskıh birneshe ret Tiktok jelisin buǵattaý týraly pikir aıtyp, birneshe ret jazba jarııalaǵan.
"Sóz joq, zamanaýı tehnologııalar damýǵa dańǵyl jol ashady, sondaı-aq ómirimizge aıtarlyqtaı qaýip te tóndiredi. Tanymal áleýmettik jeliler balalardy ǵana emes, úlkenderdi de zombıge aınaldyrýy múmkin. Ata-analar balalarynyń tárbıesin memleketke nemese mektepke ysyra salmaýy kerek. Gadjetterdiń qursaýynda qaldyrýǵa tipti bolmaıdy. Balalaryna ıfrlyq gıgıenanyń qarapaıym erejelerin úıretýge ata-ana jaýapty. Ul-qyzdarymyzǵa kóńil bólý, birge ýaqyt ótkizý, olardy alańdatqan máseleler jaıynda áńgimelesý mańyzdy. Balanyń smartfon nemese kompıýter paıdalanǵan kezinde ne istep jatqanyn qatań qadaǵalaý qajet. Jetkinshekter onymen neǵurlym az áýestense, soǵurlym jaqsy. Odan góri dalaǵa shyǵyp, taza aýada serýendesin, ózi quralpy balalarmen oınasyn». Bul taqyryp boıynsha, ıaǵnı TikTok áleýmettik jelini retteý boıynsha, osy dúnıeni durys jolǵa túsirýge qatysty áriptesimiz Satvaldıev Alısher kótergen bolatyn. Al búgin “Bir el-bir múdde” Senat depýtattarynyń toby bolyp, osy máseleni qaıtadan kóterdik. Bir sózben osy TikTok jelisin rettemeı, bizdiń balalarymyzdyń máselesi túzelmeıdi!" - dep jazǵan.
