2025 jyl «Alatau» dästürlı öner teatry üşın şyǧarmaşylyq örleu jyly boldy. Teatr ūlttyq önerdı jaŋǧyrtu, qazaq mädenietın keŋınen nasihattau jäne halyqaralyq sahnalarda tanytu baǧytynda auqymdy jūmystar atqardy.
Biylǧy jyly teatr Bırjan sal şyǧarmaşylyǧynan syr şertetın «Temırtas» rekviemın sahnalap, körermenge qazaq än önerınıŋ bailyǧyn körsettı. Qoiylymda dombyra men dästürlı aspaptardyŋ süiemeldeuımen ūlttyq filosofiia men mädeniet tereŋ aşyldy.
Teatrdyŋ gastroldık saparlary elımızdıŋ öŋırlerınde, sonyŋ ışınde Almaty, Jetısu, Türkıstan, Qyzylorda, Jambyl, Abai jäne Şyǧys Qazaqstan oblystary men Şymkent qalasynda öttı. Barlyǧy 42 qoiylym körsetılıp, är öŋırdegı körermender teatr önerıne erekşe qyzyǧuşylyq tanytty. Balalarǧa arnalǧan «Ägugai men İgigai» ertegılık qoiylymy jas körermenderdıŋ erekşe yqylasyna ie boldy.
Halyqaralyq sahnada teatrdyŋ «Mamluk. Sūltan Beibarys» spektaklı TMD elderınıŋ V Jastar teatr forumynda jäne A.P. Chehov atyndaǧy XVII Halyqaralyq teatr festivalınde körsetıldı. Sonymen qatar, «Steppes Rhapsody» qoiylymy Fransiiadaǧy «Avinon OFF» festivalınde sahnalanyp, qazaq mädenietın älemdık qauymǧa paş ettı.
Jyl qorytyndysynda teatr qyzmetkerlerınıŋ eŋbegı joǧary baǧalandy. Mädeniet qyzmetkerlerı künıne orai bırneşe qyzmetker Prezident pen qala äkımınıŋ nagradalarymen marapattaldy. Sonymen qatar, teatrdyŋ «Temırtas» spektaklı Qazaqstan teatr synşylary bırlestıgınıŋ VII «Synşylar jüldesı – 2025» baiqauynda «Drama spektaklınıŋ jyl horeografy» nominasiiasyn jeŋıp aldy.
Teatr janyndaǧy etno-folklorlyq jäne vokaldy-aspapty ansamblder elımızdıŋ türlı öŋırlerınde jäne şipajailarda konsertter berıp, halyqqa mädeni demalys ūiymdastyrdy. Sondai-aq, mügedek jandar men estu qabıletı şekteulı azamattar üşın halyqaralyq festivalderge qatysu arqyly talanttardy anyqtau men qoldauǧa üles qosty.
2025 jyly teatr jaŋa şyǧarmaşylyq bastamalardy qolǧa alyp, Meiram Habibullinnıŋ rejisserlıgımen «Qairan Abai» spektaklı daiyndalyp, körermenge jol tartuǧa daiyndaldy.
Ortalyq Aziiadaǧy jalǧyz dästürlı öner teatry retınde «Alatau» aldaǧy uaqytta da ūlttyq önerdı älemge tanytyp, ruhani jaŋǧyrudyŋ jarqyn ülgısı boludy jalǧastyrady.
