Qazaqstannyŋ halyq ärtısı, körnektı öner qairatkerı Rihangül Mahpirova 79 jasynda ömırden öttı, dep habarlaidy "Adyrna" ūlttyq portaly.
Ol 1946 jyldyŋ 1 tamyzynda Almaty oblysy Eŋbekşıqazaq audanynyŋ Şelek auylynda düniege kelgen.
Şyǧarmaşylyq qyzmetın Säken Seifullin atyndaǧy Qaraǧandy oblystyq qazaq drama teatrynda bastaǧan. 1971–1977 jyldary Abai atyndaǧy Jambyl oblystyq teatrda eŋbek ettı.
1977 jyldan bastap Qūdys Qojamiiarov atyndaǧy respublikalyq memlekettık akademiialyq ūiǧyr muzykalyq komediia teatrynda eŋbek ettı. Ūzaq jyldar boiǧy sahnalyq qyzmetınde ol qazaq teatr önerınıŋ altyn qoryna engen san aluan körkem, aişyqty ärı körermen jadynda saqtalǧan beinelerdı somdady.
Mädeniet salasyna sıŋırgen orasan eŋbegı üşın Rihangül Mahpirova «Qazaqstan Respublikasynyŋ eŋbek sıŋırgen ärtısı» jäne «Qazaqstannyŋ halyq ärtısı» qūrmettı ataqtarymen marapattalǧan.
Qazaqstan Respublikasynyŋ Mädeniet jäne aqparat ministrlıgı marqūmnyŋ otbasy men tuǧan-tuystaryna, jaqyndary men önersüier qauymǧa qaiǧyra köŋıl aitty.
"El tanymal öner qairatkerınen aiyryldy. Marqūmnyŋ jarqyn beinesı jürekterde mäŋgı saqtalady", – delıngen vedomstvo habarlamasynda.
