Belgılı dizainer Aida Kaumenova jelıdegı paraqşasyna bokser Angelina Lukastyŋ qazaqtyŋ ūlttyq kiımın jalaŋaş denesıne kiıp, face-to-face räsımıne qatysqan videosyn jariialady. Alaida būl köptıŋ aşuyn tuǧyzdy, dep habarlaidy “Adyrna” ūlttyq portaly.
Būl turaly tarihşy-etnolog, jurnalist Tūrar Sättarqyzy Facebook paraqşasyna pıkırın bıldırdı.
“Netken namyssyz ūlt edık. Qorlanbaǧan nemız qaldy, osy?!
Naǧyz qazaqtyŋ myqty qyzy,-dep jatyr eken myna soraqylyqty belgılı dizainer Aida Käumenova. Aida, ūlttyŋ, qazaq qyzynyŋ tazalyǧy men adaldyǧynyŋ, ūiaty men arynyŋ simvoly bolǧan säukelesın qorlap, tyrdai jalaŋaş qyzǧa kigızıp, naǧyz qazaq qyzy deuıŋız, ar men ūiatty bärınen biık qoiatyn, barşa qazaq qyzdarynyŋ namysyn taptaǧanyŋyz.
Qazaq qyzy qaşan ūlttyq kiımdı jalaŋaş denesıne kigen eken? Sakraldy maŋyzy bar ūlttyq oiu-örnektıŋ kiesı bar degen ūlt emes pe edık?!”,- dedı jurnalist.
Sondai-aq, ol joǧarydaǧylarǧa ündeu tastap, ūltttyq qūndylyqtarymyzdy qorǧaityn zaŋ keregın basa aitty.
“El qalaulylary bolyp jürgen deputat myrzalar, hanymdar!
Qaşanǧy ūlt simvoldaryn osylai qorlauǧa jol bere beremız? Namystaryŋyz bar ma, özı? Ūlt qūndylyǧyn qorǧai almasaq, nesıne ūlt bolyp jürmız? El erteŋıne alaŋdasaq, ūltttyq qūndylyqtarymyzdy qorǧaityn zaŋ kerek!
Ana bır jyly Şyryn degen qarşadai qyz qazaq kiımın külkı qyldy. Ötkende Muhariapov degen tılımızdı qorlady. Endı mıne, ūlttyq kiımderdı tıgıp därıpteitın, sodan käsıbın döŋgeletıp otyrǧan ūlty qazaq Aidanyŋ jasap otyrǧany mynau?
Aida hanym, ūlttyŋ dünienıŋ qadır-qasietın bılmeseŋız, boiyŋyzda qazaqy namys bolmasa, jasap jürgen ısıŋızdı qoia salyŋyz. Älde sızge ūlttyq dünie käsıptıŋ közı ǧana ma?
Au, aǧaiyn, kım körıngen töl teŋgemızdı taptaidy, tuymyzdy, ūlttyq kiımımızdı qorlaidy, myŋq etpeitın netken halyq edık?! Özge bızdı syilasyn desek, özımızdıkın qūrmetteuımız kerek emes pe? Özge jūrtqa äbden masqara bolǧanşa,namystan neǧyp ölıp ketpeimız?!
Aida Käumenovanyŋ paraqşasynda naǧyz qazaq qyzy degen videosyn körıŋızder, jauap berıŋızder.
Namys qaida, jūrtym?!
Men namysty bärınen biık qoiatyn qazaqtyŋ qyzymyn, sondyqtan Aida Käumenovanyŋ ūltymyzdyŋ kiımın qorlaǧany üşın jauap bergenın talap etemın”, -dep jazdy Tūrar Sättarqyzy.
