Densaulyq saqtau ministrlıgı 2026 jyldyŋ 1 qaŋtarynan bastap TMKKK men MÄMS boiynşa aurular tızımın özgerttı, dep habarlaidy "Adyrna".
2026 jylǧy 1 qaŋtardan bastap Mındettı äleumettık medisinalyq saqtandyru (MÄMS) paketı qūramyna engızıletın aurular:
- Qant diabetı;
- Balalar serebraldy sal auruy (BSSA);
- Däneker tınnıŋ jüielı zaqymdanulary;
- Revmatizm.
Būǧan deiın būl aurular tegın medisinalyq kömektıŋ kepıldendırılgen kölemı (TMKKK) şeŋberınde qarjylandyrylyp kelgen.
Sonymen qatar, MÄMS jüiesınde dinamikalyq baqylauǧa jatatyn aurular boiynşa medisinalyq qyzmetter tızımıne engen:
- Arteriialyq gipertenziia;
- İşemiialyq jürek auruy jäne özge jürek aurulary;
- Jürek jetkılıksızdıgı;
- Aritmiialar, jürekşelerdıŋ fibrilliasiiasy jäne dırılı;
- Tömengı tynys joldarynyŋ sozylmaly aurulary;
- Glomeruliarlyq aurular;
- Büirek aurulary;
- Asqazan-ışek jüiesınıŋ aurulary;
- Qimyl-tırek jüiesı men däneker tın aurulary;
- Endokrindık jüie aurulary, zat almasu jäne tamaqtanu būzylystary;
- Zär şyǧaru-jynys jüiesı aurulary;
- Tua bıtken aqaular, deformasiialar jäne hromosomalyq būzylystar.
"Medisinalyq kömektıŋ kölemı qysqarmaidy — tek qarjylandyru közı özgeredı. Saqtandyrylǧan barlyq azamattar būrynǧydai tegın em, keŋes jäne därı-därmek alady", delıngen ministrlık tüsındırmesınde.
Būdan bölek, äleumettık maŋyzy bar barlyq aurulardyŋ bastapqy diagnostikasy TMKKK aiasynda azamattyŋ saqtandyru märtebesıne qaramastan jürgızıledı. Būǧan deiın būl ereje tek AİTV jūqtyrǧandar men tuberkulezben auyratyndarǧa qatysty bolǧan.
Ministrlık pıkırınşe, būl jaŋalyq aurulardy erte anyqtap, der kezınde emdeudı bastauǧa mümkındık beredı. Sonymen qatar memleket būrynǧydai balalar, jüktı äielder, zeinetkerler, studentter, mügedektıgı bar adamdar, jūmyssyzdar jäne basqa da jeŋıldıktı toptar üşın barlyq kepıldıkterdı saqtap otyr. Barlyǧy — 11 millionnan astam qazaqstandyq.
Olardyŋ ışınde, balalar serebraldy sal auruy bar nauqastar da bar — olar memleket esebınen saqtandyrylǧan jäne tegın medisinalyq kömek aludy jalǧastyrady.
Būǧan deiın ministrlık äleumettık maŋyzy bar aurulardyŋ jaŋa tızımın bekıtken. Endı oǧan 11 auru kıredı:
- Tuberkulez;
- AİTV;
- Sozylmaly virustyq gepatitter jäne bauyr sirrozy;
- Onkologiialyq aurular;
- Psihikalyq jäne mınez-qūlyq būzylystary;
- Jedel miokard infarktı (alǧaşqy 6 ai);
- Sirek (orfandyq) aurular;
- Jüike jüiesınıŋ degenerativtı aurulary;
- Ortalyq jüike jüiesınıŋ demielinizirleuşı aurulary;
- ·Epilepsiia;
- Serebrovaskuliarlyq aurular (insultten keiıngı 1 jyl ışınde).
Būǧan deiın habarlanǧandai, 2026 jyldyŋ 1 qaŋtarynan bastap TMKKK men MÄMS jüiesınde körsetıletın medisinalyq kömek türlerı jaŋartylǧan formatta ūsynylady.
