Mäjılıste medisina salasyndaǧy mamandardyŋ qauıpsızdıgın arttyru mäselesı köterıldı, dep habarlaidy «Adyrna» ūlttyq portaly.
Deputat Qairat Balabiev densaulyq saqtau ökılderın jeke «qorǧalatyn subekt» retınde zaŋnamamen aiqyndaudyŋ qanşalyqty oryndy ekenın sūrap, tiıstı saualdy Ashat Aimaǧambetovke joldady.
«Zaŋ jobasynda arnaiy subekt – medisina qyzmetkerı nemese jedel järdem jürgızuşısı retınde aiqyndalyp, qūqyqbūzuşylyqtyŋ jaŋa qūramy engızu ūsynylady. Ashat Qanatūlynyŋ baiandamasyn eskersek, būl qajet. Alaida bügıngı künı qoǧamda agressiia tek därıgerlerge emes, qoǧamdyq kölık jürgızuşılerıne, sauda oryndary men qoǧamdyq tamaqtanu oryndary qyzmetkerlerıne de baǧyttalyp otyr. Medisina mamandaryn jeke pän retınde bölıp qarastyru qanşalyqty oryndy?» – dedı deputat.
Deputattyq saualǧa jauap bergen Ashat Aimaǧambetov resmi statistikaǧa nazar audartty.
«Bügıngı künı 280 oqiǧa tırkelgen. Tırkelmegenderı būdan da köp. Basqa mamandyqtarmen salystyrsaq, bızde prokuror, qūqyq qorǧau organdary qyzmetkerlerı sekıldı zaŋmen qorǧalatyn subektıler bar. Al medisina qyzmetkerlerı — eŋ köp şabuylǧa ūşyraityn mamandar. Kıtaphanaşylarmen nemese mūǧalımdermen salystyraiyq deidı. Bügıngı jaǧdaida olarǧa qatysty mūndai oqiǧalar tırkelıp jatqan joq», – dedı ol.
Deputat Ashat Aimaǧambetov sonymen qatar halyqaralyq täjıribege de toqtaldy.
«Köptegen elderde mūndai şeşım būrynnan qabyldanǧan», – dep atap öttı.
