17 naýryzda Merki aýylynda ornalasqan «Nuraı» mektepke deıingi bilim berý ortalyǵynyń 10 tárbıelenýshisi juqpaly aýrýlar bólimine jetkizilgen. Zardap shekkender arasynda úsh aılyq sábı men mektep oqýshylary bar, dep habarlaıdy "Adyrna" ulttyq portaly.
Aımaq ákimdiginiń baspasóz qyzmetiniń málimetinshe, qazirgi ýaqytta aýrýhanada 14 bala men bir eresek adam em qabyldap jatyr. Toǵyz bala úı jaǵdaıynda em alýda. Taǵy bir bala jan-jaqty tekserý men ári qaraı em qabyldaý úshin oblystyq ortalyqqa jetkizilgen.
Toǵyz balada jedel ishek ınfekııasy, bireýinde enterovırýstyq ınfekııa anyqtalǵan.
«Aýrýhanaǵa jetkizilgenderdiń arasynda balabaqshanyń 10 tárbıelenýshisi, úsh aılyq sábı jáne úsh mektep oqýshysy bar», – dep habarlady Jambyl oblysy ákimdigi.
Oblys ákimi Erbol Qarashókeev oqıǵanyń sebepterin zertteý úshin jumys tobyn qurýdy tapsyrdy. Top músheleri balalardyń úılerine baryp, olardyń jaǵdaıyn anyqtap, ata-analarymen suhbattasýda.
«Merki aýdandyq sanıtarlyq-epıdemıologııalyq baqylaý basqarmasy tekserý júrgizip, barlyq qajetti synamalardy aldy. Qazir mamandar saraptama qorytyndysyn kútýde», – dep málimdedi ákimdik ókilderi.
Qarashókeev bul jaǵdaıdy jeke baqylaýyna alatynyn aıtyp, kinálilerdiń jaýapqa tartylatynyn eskertti.
Ortalyqtyń qyzmeti eki kúnge toqtatylǵan. Ǵımaratta dezınfekııa jumystary júrgizilýde.
