Kanada azamatynyŋ bırınen Andes ştammyndaǧy hantavirus anyqtaldy. Nauqas būǧan deiın virus tırkelgen kruizdık kemede saparlaǧan. Būl turaly Britandyq Kolumbiia provinsiiasynyŋ bilıgı mälımdedı, dep habarlaidy "Adyrna".
Resmi mälımetke säikes, nauqasqa qatysty zerthanalyq tekseru Britandyq Kolumbiia provinsiiasyndaǧy Viktoriia qalasynyŋ auruhanasynda jürgızılgen. Taldau nätijesınde hantavirusqa oŋ nätije şyqqany belgılı boldy.
Britandyq Kolumbiia bilıgı jaǧdaidy baqylauda ūstap otyrǧanyn mälımdedı. Äzırge nauqastyŋ qazırgı jaǧdaiy men virustyŋ naqty qalai jūqqany jönınde tolyq aqparat jariialanǧan joq.
Hantavirus — köbıne kemırgışter arqyly taralatyn qauıptı infeksiia. Al Andes ştammy — Oŋtüstık Amerikada kezdesetın hantavirustyŋ türı. Mamandar būl virustyŋ sirek jaǧdaida adamnan adamǧa jūǧuy mümkın ekenın aitady.
Qazırgı uaqytta epidemiologtar nauqastyŋ bailanysta bolǧan adamdaryn anyqtap, qosymşa tekseru jūmystaryn jürgızude. Bilık ökılderı tūrǧyndardy sanitarlyq talaptardy saqtauǧa jäne densaulyqtaǧy özgerıster baiqalǧan jaǧdaida därıgerge jügınuge şaqyrdy.
