«Astana Arenada» ötken Qazaqstan men Belgiia qūramalarynyŋ oiynynan keiın komandalardyŋ janküierlerı stadion tribunalaryn qoqystan tazartyp kettı. Būl turaly Astana qalasynyŋ äkımdıgı jazdy, dep habarlaidy «Adyrna» tılşısı.
«Match aiaqtalǧannan keiın tribunalarda janküierler ekologiialyq aksiia ūiymdastyryp, futbol keşın erekşe jaǧdaida aiaqtauǧa atsalysty. Būl bastamany astanalyqtardyŋ süiıktı ekobeinesı – Tazabek te qoldady. Onyŋ qatysuy janküierlerge quanyş syilap, tazalyq ıs-şarasyn jyly ärı dostyq küige ainaldyrdy»,–delıngen habarlamada.
Körermenderdıŋ köbı match aiaqtalǧan soŋ tribunalarda qalǧan qoqysty jinauǧa atsalysyp, tazalyq mädenietı men ortaq keŋıstıkke degen qūrmet körsetken.
Eske salaiyq, 15 qaraşada futboldan älem chempionatynyŋ ırıkteu turnirındegı kezektı oiynda Qazaqstan qūramasy öz alaŋynda Belgiia ūlttyq qūramasyn qabyldap, 1:1 esebımen teŋ tüsken bolatyn.
