Qala aumaǧyndaǧy qūrylys jūmystary men säulettık jobalarǧa qatysty özektı mäselelerdı qaraityn arnaiy keŋes otyrysy öttı.
Keŋes otyrysyna Türkıstan qalasy äkımı Äzımbek Pazylbekūly men salalyq mekeme basşylary, säuletşıler men jobalauşy ūiym ökılderı, sondai-aq investorlar qatysty.
Kün tärtıbınde Türkıstan qalasynyŋ bas josparyna özgerıster men tolyqtyrular engızu, №29 jäne №30 bloktardaǧy 5 qabatty tūrǧyn üi keşenınıŋ qūrylysy, «Ali Residence» taunhaus keşenınıŋ jobasy, ÄIO aumaǧynda, №11 jäne №38 köşe qiylysynda ornalasatyn terrasasy bar meiramhana keşenınıŋ qūrylysy, ÄIO, №11 köşesınde ornalasatyn qonaq üi men meiramhana keşenınıŋ jobasy, qosymşa 5 qabatty tūrǧyn üi keşenınıŋ qūrylysy syndy alty mäsele qaraldy.
Kün tärtıbındegı bırınşı mäsele boiynşa «MPK-Proekt» JŞS ökılı Bekzat Ädılov baiandama jasady. Ol öz baiandamasynda Türkıstan qalasynyŋ Bas josparyna engızıletın özgerıster men tolyqtyrulardyŋ halyqaralyq standarttarǧa, atap aitqanda, IýNESKO talaptaryna säikes keluınıŋ maŋyzdylyǧyn atap öttı. Qoja Ahmet Iаsaui kesenesınıŋ qorǧau aimaǧynyŋ şekaralaryn saqtau jäne tarihi mūralardy qorǧau maqsatynda jaŋa qūrylys jobalaryna qoiylatyn talaptar men şekteuler egjei-tegjeilı talqylandy.
Sonymen qatar, «Turan» arnaiy ekonomikalyq aimaǧy» AQ töraǧasynyŋ mındetın atqaruşy Nūrlan Berdısügırov baiandama jasady. Ol tūrǧyn üi keşenderınıŋ qūrylys barysy turaly baiandap, jobalarynyŋ äleumettık maŋyzdylyǧy men qala infraqūrylymyn atap öttı.
Jiyn barysynda äleuettı investorlar men jobalauşy kompaniialar da öz jobalaryn tanystyryp, säulet jäne qala qūrylysy talaptaryna säikestıgı tūrǧysynan talqylauǧa ūsyndy.
Mäjılıs barysynda barlyq mäseleler boiynşa ūsynystar qaralyp, bırqatar jobalar maqūldandy.
Ūqsas jaŋalyqtar
