Arys qalasynda halyqaralyq deŋgeidegı jetekşı serıktes – fransuzdyq Alstom kompaniiasynyŋ elektrovozdarǧa arnalǧan jaŋa servistık deposynyŋ qūrylysy jürgızılude. Joba qalanyŋ maŋyzdy temırjol toraby retındegı strategiialyq äleuetın arttyryp, öŋırdegı kölık-logistika salasynyŋ damuyna serpın beredı.
Osyǧan orai, müddelı taraptar men būqaralyq aqparat qūraldarynyŋ ökılderıne arnalǧan tanystyru sapary ūiymdastyrylyp, Arys qalasyndaǧy jaŋa depo qūrylysynyŋ barysy tanystyryldy.
Is-şaraǧa Türkıstan oblysy äkımınıŋ orynbasary Ertai Altaev, Fransiia Respublikasynyŋ Qazaqstan Respublikasyndaǧy Tötenşe jäne Ökılettı Elşısı joǧary Märtebelı Silvan Gioge, Alstom kompaniiasynyŋ Batys jäne Ortalyq Aziia boiynşa basqaruşy direktory Jerom Boie, sondai-aq Arys qalasynyŋ äkımı Qaisar Maŋqaraev, «Qazaqstan temır joly» ūlttyq kompaniiasy men salalyq mekemelerdıŋ ökılderı qatysty.
Is-şara barysynda Türkıstan oblysynyŋ äkımı orynbasary Ertai Altaev jobanyŋ öŋır üşın erekşe maŋyzǧa ie ekenın atap öttı.
– Būl joba – Arys qalasynyŋ öndırıstık äleuetın arttyryp qana qoimai, öŋırımızdıŋ jaŋa damu kezeŋıne jol aşatyn maŋyzdy bastama. Halyqaralyq serıktestermen bırlesken mūndai jobalar – qala ekonomikasyn ärtaraptandyrudyŋ naqty körınısı. Eŋ bastysy, būl bastama jergılıktı tūrǧyndar üşın jaŋa jūmys oryndaryn aşuǧa mümkındık beredı jäne jas mamandardyŋ käsıbi damuyna jol aşady, – dedı Ertai Kenjebekūly.
Is-şara barysynda Fransiia Respublikasynyŋ Qazaqstan Respublikasyndaǧy Tötenşe jäne Ökılettı Elşısı Joǧary Märtebelı Silvan Gioge myrza söz söilep, Qazaqstan men Fransiia arasyndaǧy ekonomikalyq ärıptestıktıŋ maŋyzdylyǧyna toqtaldy:
– Qazaqstan men Fransiia arasyndaǧy yntymaqtastyq jyl saiyn jaŋa deŋgeige köterılıp keledı. Sonyŋ aiqyn dälelı – Alstom kompaniiasynyŋ Qazaqstanda jüzege asyryp jatqan jobalary. Arys qalasyndaǧy būl servistık depo ekı el arasyndaǧy senım men ūzaq merzımdı serıktestıktıŋ naqty körınısı bolyp tabylady. Mūndai jobalar tek ekonomikaǧa ǧana emes, öŋırlık damuǧa da ülken serpın beredı, – dedı märtebelı elşı.
Sondai-aq ıs-şara barysynda jobanyŋ sättı jüzege asu barysyn aiqyndaityn eskertkış taqta resmi aşyluy öttı.
Jaŋa nysan Alstom kompaniiasy men Qazaqstan Respublikasy Ükımetı arasyndaǧy investisiialyq kelısım aiasynda jüzege asyryluda. Arys qalasyndaǧy depo – elımız boiynşa salynatyn tört servistık ortalyqtyŋ bırı.
Joba ıske qosylǧannan keiın öŋırdegı zamanaui temırjol servistık depoǧa ainalyp, elektrovozdarǧa tehnikalyq qyzmet körsetu jäne jöndeu jūmystaryn jürgızetın negızgı öndırıstık ortalyq retınde jūmys ısteitın bolady. Sonymen qatar, jaŋa nysan ai saiyn 120 lokomotiv seksiiasyna deiın, jylyna 1440 seksiiaǧa qyzmet körsetuge mümkındık beredı.
Mamandardyŋ aituynşa, būl joba lokomotivterdıŋ tehnikalyq daiyndyǧyn arttyryp, ışkı jäne halyqaralyq baǧyttardaǧy temırjol tasymalynyŋ tiımdılıgı men senımdılıgın küşeituge yqpal etedı. Sondai-aq, Arys qalasynyŋ Orta dälız boiyndaǧy strategiialyq ornalasuy jaŋa deponyŋ öŋırlık qyzmet körsetu haby retındegı maŋyzyn arttyra tüsedı. Būl öz kezegınde Qazaqstannyŋ tranzittık äleuetın nyǧaituǧa mümkındık beredı.
Joba aiasynda elımız boiynşa öŋırlık qyzmet körsetu ortalyqtaryn damytuǧa baǧyttalǧan 50 million euro kölemındegı investisiialyq baǧdarlama jüzege asyryluda. Sonyŋ nätijesınde respublika kölemınde 700-ge juyq jaŋa jūmys orny aşylady dep kütılude.
Sapar barysynda qonaqtarǧa qūrylys jūmystarynyŋ barysy tanystyrylyp, bolaşaq deponyŋ negızgı mümkındıkterı men engızıletın zamanaui tehnologiialyq şeşımder jönınde aqparat berıldı.
