Şymkent qalasyndaǧy Bäidıbek bi daŋǧyly men Tölemetov köşesınıŋ qiylysynda jaŋa jol-kölık aiyryǧy aşyldy. Aşylu saltanatyna qala äkımı Ǧabit Syzdyqbekov qatysty.
Eske sala keteiık, nysannyŋ qūrylysy ötken jyldyŋ soŋynda Memleket basşysynyŋ megapolistıŋ kölık infraqūrylymyn damytu jönındegı tapsyrmasyn oryndau aiasynda bastalǧan bolatyn.
Bügın estakada arqyly kölık qozǧalysy ıske qosyldy. Qazırgı taŋda mūnda negızgı qūrylys aiaqtalyp, jol belgılerı men taŋbalary salyndy. Estakadanyŋ aşyluy qalanyŋ kölık qozǧalysy tyǧyz uchaskelerınıŋ bırınde jol qozǧalysyn retteuge baǧyttalǧan jobany ıske asyrudaǧy maŋyzdy kezeŋ boldy.
Qala äkımı jol infraqūrylymyn damytu Şymkenttıŋ qajettılıgıne sai jürgızıluı tiıs ekenın atap öttı. Zamanaui kölık şeşımderı keptelısterdı azaituǧa, tūrǧyndardyŋ qatynauyn jeŋıldetuge jäne qala audandary arasyndaǧy bailanysty jaqsartuǧa baǧyttalǧan.
Qazırgı uaqytta jolaiyryqtyŋ tömengı deŋgeiınde ainalma qozǧalysty jäne oŋ jaq ötkel tarmaqtaryn, sondai-aq, jerasty jaiau jürgınşıler ötkelderın abattandyru jūmysy jalǧasuda.
Irgeles aumaqty abattandyrudy qosa alǧanda barlyq jūmysty jyldyŋ soŋyna deiın aiaqtau josparlanyp otyr. Jobanyŋ jüzege asyryluy osy uchaskedegı jol qozǧalysyn jetıldıruge, jürgızuşıler men jaiau jürgınşıler üşın qolaily jaǧdai jasauǧa mümkındık beredı.
