Türkıstan qalasynda kölık qozǧalysyn retteu jäne tūrǧyndarǧa qolaily jaǧdai qalyptastyru maqsatynda jol infraqūrylymyn damytu jūmystary jüielı türde jürgızılude.
Qazırgı uaqytta Bekzat tūrǧyn alabynda ūzyndyǧy 8,4 şaqyrymdy qūraityn 5 köşede ortaşa jöndeu jūmystary atqaryluda. Jöndeu barysynda jol negızın daiyndau, ırı jäne ūsaq tüiırşıktı asfalt jabyndysyn töseu, jol jiekterın retke keltıru, sondai-aq bır jaqty aiaqjol salu jūmystary jürgızılude.
Sonymen qatar, Otyrar tūrǧyn alabynda jalpy ūzyndyǧy 24,6 şaqyrym bolatyn 28 köşenı ortaşa jöndeu jūmystary qolǧa alynǧan. Būl köşelerdıŋ qatarynda Şaian, Oisylqara, Keles jäne olarǧa ırgeles özge de köşeler bar.
Aita keteiık, Türkıstan qalasy aumaǧynda ūzyndyǧy 845 şaqyrymdy qūraityn 875 köşe ornalasqan. 2024 jyldyŋ qorytyndysy boiynşa olardyŋ 50,3 paiyzy jaqsy jäne qanaǧattanarlyq jaǧdaida dep baǧalanǧan.
Biyl qosymşa 138,5 şaqyrym joldy ortaşa jöndeuden ötkızu josparlanǧan. Atalǧan jūmystar tolyq oryndalǧan jaǧdaida, qaladaǧy jaqsy jaǧdaidaǧy joldardyŋ ülesı 66,7 paiyzǧa jetedı.
Ūqsas jaŋalyqtar
